லக்னோ: உத்தரப் பிரதேசத்தின் ஹாபூர் மாவட்டத்தில் உள்ள ரசாயன ஆலையில் இன்று (ஜூன் 4) பாய்லர் வெடித்ததால் பெரும் தீ விபத்து ஏற்பட்டது. ஆறுக்கும் மேற்பட்ட தீயணைப்பு வாகனங்கள் தீயை அணைக்கும் பணியில் ஈடுபட்டு வருகின்றன.
ஆலையில் பலர் சிக்கியிருப்பதாக கூறப்படுகிறது. முதல்கட்ட தகவலில், இந்த விபத்தில் 6 ஊழியர்கள் உயிரிழந்துவிட்டதாக தெரிவிக்கப்பட்டுள்ளது. 12-க்கும் மேற்பட்டோர் படுகாயமடைந்துள்ள நிலையில், அவர்களுக்கு மருத்துவமனையில் சிகிச்சை அளிக்கப்பட்டு வருகிறது. உள்ளூர் போலீசார் சம்பவயிடத்திற்கு விரைந்துள்ளனர்.
இதையும் படிங்க: டெல்லி விமான நிலையத்தில் தீ... விசாரணைக்கு உத்தரவு!
