இந்தியா மற்றும் வளைகுடா நாடுகளின் பாதுகாப்பு சார்ந்த உறவு குறித்து ஆலோசனை மேற்கொள்ள முப்படை தலைமை தளபதி முகுந்த் நரவணே நாளை ஐக்கிய அரபு அமீரகம் செல்கிறார்.
டிசம்பர் 7 முதல் 12ஆம் தேதி வரை ஐக்கிய அரபு அமீரகத்தில் பயணத்தில் உள்ள இவர், பின்னர் அங்கிருந்து 13,14 ஆகிய தேதிகளில் சவுதி அரேபியா செல்கிறார்.
இது குறித்து ராணுவம் வெளியிட்டுள்ள அறிக்கையில், இந்திய ராணுவத் தளபதி ஒருவர் முதல் முறையாக இந்த இரு நாடுகளுக்கும் பயணம் மேற்கொள்கிறார். இந்தச் சந்திப்பில் பாதுகாப்பு தொடர்பான ஆலோசனை மேற்கொள்ளப்படும். இரு நாடுகளின் பாதுகாப்பு உயர் அலுவர்கள் முக்கிய ஒப்பந்தங்கள் மேற்கொள்ள வாய்ப்புகள் உள்ளன எனக் கூறினார்.
கடந்த சில நாள்களுக்கு முன் வெளியுறவுத்துறை அமைச்சர் ஜெய்சங்கர் வளைகுடா நாடுகளுக்கு பயணம் மேற்கொண்டு பிராந்திய உறவு குறித்து ஆலோசனை செய்தார்.
இதைத் தொடர்ந்து முப்படைத் தளபதி மேற்கொள்ளும் இப்பயணம் வெளியுறவு, பாதுகாப்பு துறை சார்ந்து முக்கிய நிகழ்வாகப் பார்க்கப்படுகிறது.
இதையும் படிங்க: ஜம்மு-காஷ்மீர்: மீண்டும் வீட்டுக் காவலில் வைக்கப்பட்ட மெஹபூபா முப்தி!
