புதுடெல்லி: உச்சநீதிமன்றம் காங்கிரஸ் கட்சியின் செய்தி தொடர்பாளர் பவன் கேராவுக்கு இடைக்கால ஜாமீன் வழங்கி, அந்த உத்தரவை நிறைவேற்ற டெல்லி மாஜிஸ்திரேட்டிடம் உத்தரவிட்டது. உச்ச நீதிமன்றத்தின் டிவிஷன் பெஞ்ச் இந்த வழக்கை வரும் பிப்ரவரி 28ஆம் தேதி விசாரிக்கும் என கூறப்பட்டுள்ளது. இந்த வழக்கை தலைமை நீதிபதி டி.ஒய்.சந்திரசூட், நீதிபதிகள் எம்.ஆர்.ஷா, பி.வி.நரசிம்ஹா ஆகியோர் அடங்கிய 3 பேர் அமர்வு விசாரித்தது.
கேரா சார்பில் ஆஜரான வழக்கறிஞர் அபிஷேக் மனு சங்வி, தலைமை நீதிபதி டி.ஒய்.சந்திரசூட், நீதிபதிகள் எம்.ஆர்.ஷா மற்றும் பி.வி.நரசிம்ஹா ஆகியோர் அடங்கிய அமர்விடம், டெல்லி விமான நிலையத்தில் இருந்து காலை 11 மணியளவில் பவன் கேரா வெளியேறிய போது கைது செய்யப்பட்டதாகத் தெரிவித்தார்.
கேரா மீது லக்னோவில் உள்ள ஹஸ்ரத்கஞ்சில் புகார் அளிக்கப்பட்டு எஃப்ஐஆராக மாற்றப்பட்டது. வாரணாசியில் மற்றொரு எஃப்ஐஆர் பதிவு செய்யப்பட்டது, அசாமில் கேரா மீது வழக்குப் பதிவு செய்யப்பட்டுள்ளதை தொடர்ந்து, டில்லி போலீசார் விமானத்தில் இருந்து கேராவை விடுவிக்குமாறு கேட்டுக் கொண்டனர்.
கைது வாரண்ட் இன்றி அவரை அழைத்துச் செல்ல அனுமதிக்காததற்கு எதிர்ப்பு தெரிவித்து காங்கிரஸ் தலைவர்கள் தர்ணாவில் ஈடுபட்டனர். டெல்லி காவல்துறையின் மூத்த அதிகாரிகள் பின்னர் கேராவை காவலில் வைக்க உதவி கோரி அசாம் காவல்துறையிடம் ஆவணத்தை ஒப்படைத்தனர்.
சமீபத்தில் டெல்லியில் நடந்த செய்தியாளர் சந்திப்பில் பிரதமர் நரேந்திர தாமோதர் மோடியின் பெயரை, நரேந்திர கௌதம்தாஸ் மோடி என்று தவறாக உச்சரித்த காங்கிரஸ் தலைவர் பவன் கேரா, தனது ட்வீட்டில் "அது தாமோதர்தாஸ் அல்லது கௌதம் தாஸ் என்று நான் உண்மையிலேயே குழப்பமடைந்தேன்” என கூறியிருந்தார்.
இந்த ட்வீட் வெளியான சில நிமிடங்களில் பாஜக தலைவர் அமித் மாளவியா தனது ட்விட்டர் பக்கத்தில், “பிரதமர் மோடியை காங்கிரஸ் பலமுறை குறிவைத்து தவறாக பேசி வருகிறது. இப்போது அரசியலுடன் எந்த தொடர்பும் இல்லாத அவரது இறந்த தந்தையை இழிவாக பேசியுள்ளனர்”
இதையும் படிங்க: அடேங்கப்பா! ஜெயிலில் சொகுசு வாழ்க்கை: சுகேஷின் ரூ.1.5 லட்சம் மதிப்புள்ள காலணிகள், ரூ.80,000 ஜீன்ஸ் பறிமுதல்
