டெல்லி: குழந்தை ஆபாசப் படங்களை பார்ப்பதும், அவற்றைப் பகிர்வதும் குற்றம் என அறிவிக்கப்பட்டுள்ள நிலையில், குழந்தை ஆபாசப் படங்களைப் பார்ப்பவர்களது பட்டியல் தயார் செய்யப்பட்டு, அவற்றில் பலர் கைதும் செய்யப்பட்டுள்ளனர்.
இந்நிலையில், டெல்லியில் குழந்தை ஆபாசப் படங்களை இணையத்தில் பதிவேற்றி விற்பனை செய்ததாகவும், இணையத்தில் பதிவேற்றம் செய்ய சில பொருள்களை வாங்கியதாகவும் இருவரை சிபிஐ கைது செய்தது.
இவர்கள் மீது போக்சோ சட்டம், தகவல் தொழில்நுட்பச் சட்டம் உள்ளிட்டப் பிரிவுகளின்கீழ், பிணையில் வெளியில் வர இயலாத வண்ணம் வழக்குப் பதிவு செய்துள்ளது.
விசாரணையின் போது, குற்றம் சாட்டப்பட்டவர் இன்ஸ்டாகிராமில் ஆபாசப் புகைப்படங்களை விற்பனை செய்வதற்கான சில விளம்பரங்களை வெளியிட்டுள்ளதும், அதற்கான தொகையினை வாடிக்கையாளர்களின் பேடிஎம், கூகுள் பே உள்ளிட்ட செயலிகளின் மூலம் பெற்று வந்ததும் தெரியவந்தது.
பின்னர், குழந்தைகளின் ஆபாசப் படங்களை வாட்ஸ்அப், டெலிகிராம், இன்ஸ்டாகிராம் உள்ளிட்ட பிற சமூக வலைதளங்கள் மூலம் பகிர்ந்து கொண்டதாகக் கூறிய அவர், இதனை 2019ஆம் ஆண்டிலிருந்தே செய்து வருவதாகவும் கூறியுள்ளார்.
இதையும் படிங்க: சிறுவர்கள் விளையாட்டுப் பொருளில் ஆபாசப் படங்கள்: பெற்றோர் அதிர்ச்சி!
