பெங்களூரு விமான நிலையத்தில் செய்தியாளர்களை சந்தித்த கர்நாடக முதலமைச்சர் எடியூரப்பா, "கர்நாடக அமைச்சரவையை சட்டப்பேரவை கூட்டுத் தொடருக்கு முன்பே விரிவாக்கம் செய்வது தொடர்பாக பிரதமர் மற்றும் பிற அமைச்சர்களுடன் ஆலோசிக்க டெல்லி செல்கிறேன். என்னுடைய விருப்பத்திற்கு உயர்மட்ட குழுவின் அனுமதி கிடைத்தால், அதற்கான பணிகளை விரைந்து முடிப்பேன்.
முக்கியமாக, பிரதமர் மற்றும் பிற அமைச்சர்களிடம் கர்நாடக வெள்ளத்தால் பாதிக்கப்பட்ட பகுதிகளை சீரமைக்க வெள்ள நிவாரண நிதி கோரவுள்ளேன். கரோனா வைரஸ் பாதிப்பால் கர்நாடக அரசு பெரும் பொருளாதார பாதிப்பை சந்தித்துள்ளது. இருப்பினும், மாநில அரசு கல்யாண கர்நாடக திட்டத்திற்கு தேவையான நிதியை ஒதுக்கவுள்ளது" என்றார்.
