டெல்லியில் அங்கீகாரம் இல்லாத குடியிருப்பு பகுதிகள் பல உள்ளன. இங்கு ஏழை மக்கள் வாழ்ந்துவருகின்றனர். இதையடுத்து அங்கீகாரம் இல்லாத 1731 காலனிகளில் வாழும் 40 லட்சம் பேருக்கு பட்டா வழங்கும் நிகழ்ச்சி ராம் லீலா மைதானத்தில் நடைபெறவுள்ளது.
இந்த நிகழ்ச்சியில் பிரதமர் மோடி கலந்துகொள்ளவுள்ளார். நிகழ்ச்சி நடக்கும் ராம் லீலா மைதானத்திலிருந்து ஒரு கிமீ தொலைவில்தான் குடியுரிமை திருத்த சட்டத்திற்கு எதிர்ப்பு தெரிவித்து மக்கள் போராடி வருகின்றனர். இதனால், பாதுகாப்பு ஏற்பாடுகள் அங்கு பலப்படுத்தப்பட்டுள்ளன.
முன்னதாக, கூட்டத்தின் பாதுகாப்பு ஏற்பாடுகள் குறித்து உயர் அலுவலர்கள் ஆலோசனை நடத்தினர். குடியுரிமை திருத்த சட்டத்திற்கு எதிரான போராட்டம் நடைபெற்றுவரும் நிலையில், வதந்திகளை தடுக்க சமூக வலைதளங்கள் தொடர்ந்து கண்காணிக்கப்பட வேண்டும் என முடிவெடுக்கப்பட்டுள்ளது. மோடி பங்கேற்கும் கூட்டத்தில் இரண்டும் லட்சத்துக்கும் அதிகமானவர்கள் கலந்துகொள்வார்கள் என எதிர்பார்க்கப்படுகிறது.
இதையும் படிங்க: தேசிய குடிமக்கள் பதிவேட்டை இடதுசாரி கட்சிகள் ஆதரிக்காது - டி. ராஜா
