இந்தியா - சீனா இடையே லடாக்கில் உள்ள கல்வான் பள்ளத்தாக்கில் ஜூன் 15 - 16 ஆகிய தேதிகள் நடைபெற்ற மோதலில் 20 இந்திய ராணுவத்தினர் வீரமரணமடைந்தனர்.
சீனத் தரப்பிலும் உயிரிழப்புகள் ஏற்பட்டதாகக் கூறப்படும் நிலையில் பதற்றத்தைத் தணிக்க இரு தரப்பும் உயர்மட்ட பேச்சு வார்த்தை நடத்தியது.
இரு நாட்டு கமாண்டர்கள் (கட்டளை அதிகாரி) இடையே சுமூகப் பேச்சுவார்த்தை இரு கட்டங்கள் நடைபெற்ற நிலையில் மூன்றாம் கட்டப் பேச்சுவார்த்தை நேற்று நடைபெற்றது. கிழக்கு லடாக் பகுதியில் நடைபெற்ற இந்தப் பேச்சுவார்த்தை சுமார் 12 மணிநேரம் வரை நீடித்ததாகவும், இரவு 11 மணியளவில்தான் நிறைவு பெற்றதாகவும் ராணுவத் தரப்புத் தெரிவித்துள்ளது.
இதனிடையே, இரு நாட்டு எல்லையான லைன் ஆப் ஆக்சுவல் கண்ட்ரோல் பகுதியில் சுமார் 20 ஆயிரம் ராணுவ வீரர்களை சீனா குவிக்கத் தொடங்கியுள்ளதாக தகவல்கள் வெளியாகின.
இந்தப் பகுதி தட்டையான நிலப்பரப்பு என்பதால் 48 மணி நேரத்தில் சீன ராணுவம் இந்திய பகுதிக்குள் நுழைந்துவிடும் எனவும் தகவல் தெரிவிக்கப்பட்டுள்ளது.
இதையும் படிங்க: 500 கோடி பதிவிறக்கங்களை நெருங்கிய தடை செய்யப்பட்ட சீன செயலிகள்!
