புதுச்சேரியில் இன்று (ஆகஸ்ட் 7) ஒரே நாளில் 244 பேருக்கு கரோனா தொற்று உறுதி செய்யப்பட்டுள்ளது. இதில், புதுச்சேரியில் 233 பேருக்கும், காரைக்காலில் 10 பேருக்கும், ஏனாம் பகுதியில் ஒருவருக்கும் தொற்று உறுதி செய்யப்பட்டுள்ளது.
புதுச்சேரியில் தற்போது வரை 1,873 நபர்கள் சிகிச்சைப் பெற்று வருகின்றனர். இரண்டாயிரத்து 914 பேர் குணமடைந்து வீடு திரும்பியுள்ளனர். கரோனா தொற்றால் இன்று ஐந்து பேர் உயிரிழந்தனர். இதன்மூலம் கரோனாவால் உயிரிழந்தவர்களின் எண்ணிக்கை 75ஆக உயர்ந்துள்ளது.
தற்போது, புதுச்சேரியில் பாதிப்பு எண்ணிக்கை 4 ஆயிரத்து 862ஆக உயர்ந்துள்ளதாக சுகாதார துறை இயக்குநர் மோகன் குமார் தெரிவித்துள்ளார்.
