வெங்காயம் விற்க கிரண் பேடி தடுக்கிறார் - அமைச்சர் குற்றச்சாட்டு

புதுச்சேரி: குறைந்த விலையில் வெங்காயத்தை விற்க கிரண் பேடி தடுக்கிறார் என அமைச்சர் கந்தசாமி குற்றஞ்சாட்டியுள்ளார்.

புதுச்சேரியில் வெங்காயம் பதுக்கி வைக்கப்படுவதாகவும் கூடுதல் விலைக்கு விற்கப்படுவதாகவும் குடிமை பொருள் வழங்கல் துறை அமைச்சர் கந்தசாமிக்கு புகார் வந்தது. இதனையடுத்து இன்று பெரிய மார்க்கெட்டில் அமைச்சர் கந்தசாமி அத்துறை அலுவலர்களுடன் திடீர் ஆய்வு செய்தார். அப்போது கடைகளின் கிடங்குகளிலும் ஆய்வு செய்த அமைச்சர் வெங்காயத்தை பதுக்குதல், கூடுதல் விலைக்கு விற்றல் போன்ற செயல்களில் ஈடுபடக் கூடாது என வியாபாரிகளை எச்சரித்தார்.