புதுச்சேரி காமராஜ் நகர் தொகுதி சட்டமன்ற இடைத்தேர்தல் வருகிற 21ஆம் தேதி நடைபெற உள்ளது. இதற்கான வேட்புமனுத் தாக்கல் கடந்த 23ஆம் தேதி தொடங்கி 30ஆம் தேதி நிறைவடைந்தது. இத்தேர்தலில் போட்டியிட இதுவரை 18 பேர் வேட்புமனுத் தாக்கல் செய்தனர்.
இந்நிலையில், நேற்று வேட்புமனு பரிசீலனையில் 11 பேரின் வேட்புமனுக்கள் ஏற்றுக்கொள்ளப்பட்ட நிலையில் இரண்டு பேர் வேட்புமனுவை திரும்ப பெற்றுள்ளனர். இதனால் தேர்தல்களத்தில் காங்கிரஸ்- ஜான்குமார், என்.ஆர்.காங்கிரஸ் - புவனேஸ்வரன், நாம் தமிழர் - பிரவீனா மதியழகன் உள்ளிட்ட 9 பேர் உள்ளனர்.
இதுகுறித்து காமராஜ் நகர் தேர்தல் அலுவலர் மன்சூர் தகவல் வெளியிட்டுள்ளார். இடைத்தேர்தலுக்காக தாக்கல் செய்த வேட்பு மனுக்களை திரும்ப பெற இறுதி நாளான நேற்று 11 வேட்பாளர்களில் இரண்டு சுயேச்சை வேட்பாளர்கள் மட்டும் தங்களது வேட்பு மனுக்களை திரும்ப பெற்றுக்கொண்டனர்.
மேலும் தேர்தல் பறக்கும் படை அமைக்கப்பட்டு புதுச்சேரி முழுவதும் ஆங்காங்கே காவல் துறையினர் தீவிர வாகன சோதனையில் ஈடுபட்டு வருகின்றனர்.
’என்ஆர் காங்கிரஸ், அதிமுக கூட்டணி உறுதி செய்யப்பட்ட வெற்றிக்கூட்டணி' - அதிமுக எம்எல்ஏ அன்பழகன்!
