ஐஎன்எக்ஸ் மீடியா வழக்கில் கடந்த ஆகஸ்ட் 21ஆம் தேதி சிபிஐ மூலம் ப. சிதம்பரம் கைது செய்யப்பட்டு டெல்லி திகார் சிறையில் அடைக்கப்பட்டுள்ளார்.
இதற்கிடையே, உடல்நலக்குறைவு காரணமாக கடந்த வாரம் டெல்லி எய்ம்ஸ் மருத்துவனையில் சிகிச்சைக்காக அனுமதிக்கப்பட்டு மீண்டும் சிறைக்கு திரும்பினார். இதையடுத்து தற்போது ப. சிதம்பரத்திற்கு மேல் சிகிச்சை தேவைப்படுவதாகவும், அதற்காக மூன்று நாட்கள் இடைக்கால ஜாமின் வழங்கவேண்டும் எனவும் டெல்லி உயர் நீதிமன்றத்தில் சிதம்பரம் சார்பில் மனுத்தாக்கல் செய்யப்பட்டது.
அதனைத் தற்போது விசாரித்த நீதிபதி, ப. சிதம்பரத்திற்கு இடைக்கால ஜாமின் வழங்க உத்தரவிட்டார். மேலும், அவரின் உடல்நிலை குறித்து மருத்துவ அறிக்கை ஒன்றை எய்ம்ஸ் மருத்துவமனை தாக்கல் செய்யுமாறும் உத்தரவிட்டார்.
'டிசம்பரில் உள்ளாட்சித் தேர்தல்' - அமைச்சர் ராஜேந்திர பாலாஜி திட்டவட்டம்!
