ஒடிசா மாநிலம் களாஹண்டி மாவட்டத்தில் உள்ள வனப்பகுதியில் நக்சலைட்டுகள் பதுங்கியிப்பதாக பாதுகாப்பு படையினருக்கு தகவல் கிடைத்தது. இதையடுத்து அங்கு விரைந்த பாதுகாப்பு படையினர் கடந்த 14ஆம் தேதி பிற்பகல் முதல் தொடர் தேடுதல் பணியில் ஈடுபட்டு வந்தனர்.
அப்போது அங்கு பதுங்கியிருந்த நக்சலைட்டுகள் பாதுகாப்பு படை வீரர்களை நோக்கி துப்பாக்கியால் சுட்டனர். பதிலுக்கு பாதுகாப்பு படை வீரர்களும் சுட்டதில், நக்சலைட் ஒருவர் சுட்டுக் கொல்லப்பட்டார். பலர் படுகாயங்களுடன் சிக்கினர்.
நக்சலைட்டுகளிடம் இருந்து பறிமுதல் செய்யப்பட்ட பொருட்கள்
பின்னர் அங்கிருந்து வெடி பொருட்கள், டிபன்பாக்ஸ் வெடிக்குண்டுகள், மருந்து பொருட்கள், ஜெலட்டின் குச்சிகள், டெட்டனேட்டர்கள், அரிசி, ஆவணங்கள் உள்ளிட்டவை பறிமுதல் செய்யப்பட்டன.
