புதுச்சேரி அருகிலுள்ள ஆரோவில்லில், ரெட் எர்த் குதிரையேற்ற பள்ளி உள்ளது. கடந்த 2000ஆம் ஆண்டு முதல் ஆரோவில்லில் ரெட் எர்த் குதிரையேற்ற பள்ளி சார்பில் குதிரையேற்றப் போட்டிகள் நடத்தப்படுகின்றன.
இந்நிலையில், 20ஆம் ஆண்டு குதிரையேற்றப் போட்டிகள் இன்று தொடங்கின. மார்ச் 1ஆம் தேதி வரை நடைபெறவுள்ள இப்போட்டிகளில், சென்னை, கோவை, திருப்பூர், பெங்களூரு, ஆரோவில் உள்ளிட்ட பகுதிகளில் இருந்து 12 கிளப்களை சேர்ந்த 70 குதிரையேற்ற வீரர்கள் பங்கேற்றுள்ளனர். குறிப்பாக, சர்வதேச நடுவர்கள் சாமி, சுனில் ஸ்ரீவ்தாஸ் நடுவர்களாக செயல்படுகின்றனர். முக்கியமாக, குதிரைகளின் நடைபயிற்சி, 70 செமீ, 100 செமீ உயரம் தாண்டுதல் போன்ற போட்டிகள் நடத்தப்பட்டன. இப்போட்டிகளுக்காக மொத்தம் 100 குதிரைகள் புதுச்சேரிக்கு வரவழைக்கப்பட்டது குறிப்பிடத்தக்கது.
இதையும் படிங்க : தூய்மை இந்தியாவின் இரண்டாம் கட்ட திட்டங்கள்
