துணை ராணுவப் படையினர் மீது துப்பாக்கிச் சூடு!

தென் காஷ்மீர் பகுதியிலுள்ள சோஃபியான் நகரில், துணை ரானுவப் படையினர் மீது அடையாளம் தெரியாத சிலர் துப்பாக்கி மூலம் தாக்குதல் நடத்தினர். அவர்களைத் தேடும் வேட்டையில் ராணுவத்தினர் தற்போது இறங்கியுள்ளனர்.

ஸ்ரீநகர்: சோஃபியான் நகரில் துணை ரானுவப் படையினர் மீது அடையாளம் தெரியாத சிலர் துப்பாக்கிச் சூடு நடத்தினர்.

காலை 9:57 மணியளவில் இச்சம்பவம் தென் காஷ்மீரின் சோஃபியான் நகரில் நடந்துள்ளது. உயிர்ச் சேதங்கள் எதுவும் இல்லை என்று ராணுவத் தரப்பில் தெரிவிக்கப்பட்டுள்ளது. துப்பாக்கிச் சூட்டை நிகழ்த்தியவர்களைத் தேடும் வேட்டையில் ராணுவத்தினர் தற்போது இறங்கியுள்ளனர்.

முன்னதாக, ஜூலை 25ஆம் தேதி இரவு 8.30 மணியளவில் பாகிஸ்தான் ராணுவத்தினர் இந்திய எல்லையில் அத்துமீறி தாக்குதலில் ஈடுபட்டனர்.