இந்திய விண்வெளி ஆராய்ச்சி நிறுவனம் (இஸ்ரோ) தயாரித்த பிஎஸ்எல்விசி 45 ராக்கெட் மூலம் எமிசாட் எனப்படும் செயற்கைக்கோளை விண்ணில் ஏவுகிறது.
இந்த ராக்கெட் ஏப்ரல் 1ம் தேதி காலை 9:30 மணிக்கு ஸ்ரீஹரி கோட்டாவிலுள்ளஇரண்டாவது ஏவுதளத்தில் இருந்து ஏவப்படவுள்ளது. 436 கிலோ எடை கொண்ட இந்த செயற்கைக்கோள் 749 கி.மீ. தூரத்தில் நிலைநிறுத்தப்படவுள்ளது.
பிஎஸ்எல்வி- க்யு எல் என்ற புதிய இயந்திர பயன்பாடு இந்த ராக்கெட்டில் பயன்படுத்தப்பட உள்ளது. இந்த செயற்கைக்கோளானது பாதுகாப்பு துறை ஆராய்ச்சிக்கு பயன்படும் படி வடிவமைக்கப்பட்டுள்ளது.
உலகிலேயே முதன்முறையாக 3 வெவ்வேறு சுற்றுவட்டப்பாதையில் செயற்கைகோள்கள் நிலைநிறுத்தப்பட உள்ளன. இதோடு வணிக ரீதியாக 220 கிலோ எடை கொண்ட28 வெளிநாட்டு செயற்கைக்கோள்களும் விண்ணில் செலுத்தப்பட உள்ளன.மேலும் சோதனை முயற்சியாக நானோ செயற்கைக்கோள்கள் 4 வது நிலையில் (பி எஸ் 4) வைக்கப்பட்டு நிலைநிறுத்தப்படும்.
