மும்பை: இந்திய கப்பற்படையில் ப்ராஜெக்ட் 75-திற்காக 'வாகீர்' எனப் பெயரிடப்பட்டுள்ள 5ஆவது ஸ்கார்பியன் வகை நீர்மூழ்கிக் கப்பல் இன்று இந்திய கப்பற்படையில் இணைக்கப்பட்டது. இந்த நீர்மூழ்கிக் கப்பலை மத்திய பாதுகாப்புத் துறை இணை அமைச்சர் ஸ்ரீபத் நாயக் காணொலி காட்சி மூலம் கப்பற்படையில் இணைத்தார்.
இந்த வாகீர் நீர் மூழ்கிக் கப்பல் இந்தியாவில் தயாரிக்கப்பட்ட ஆறாவது கப்பலாகும். இது பிரான்ஸ் நாட்டின் பாதுகாப்பு மற்றும் எரிசக்தி நிறுவனத்தால் வடிவமைக்கப்பட்டது. கடந்த 2005ஆம் ஆண்டில் பிரான்ஸ் நாட்டுடன் போடப்பட்ட ஒப்பந்தத்தின் அடிப்படையில் வடிவமைக்கப்பட்டுள்ளது.
முன்னதாக கல்வேரி, காந்தேரி, கரன்ஜ், வேலா ஆகிய ஸ்கார்பியன் வகை நீர்மூழ்கிக் கப்பல்கள் இந்தியக் கடற்படையில் இணைக்கப்பட்டன. இவை கடலுக்கடியில் ஏவுகணைகளைத் தாக்குவது, நீருக்குள்ளிருந்து வெளியே தாக்குதல் நடத்துவது, நீருக்கடியில் கண்காணிப்புப் பணிகளை மேற்கொள்வது எனப் பல்வேறு பணிகளை சிறப்பாக செய்யும் ஆற்றல் உடையது என அலுவலர்கள் கூறியுள்ளனர்.
இதையும் படிங்க: 24 நீர்மூழ்கி கப்பல்கள் உருவாக்க அரசு திட்டம்
