திருவனந்தபுரம்: திருவனந்தபுரம் விமான நிலையத்தில் கடந்த 5ஆம் தேதி (ஞாயிற்றுக்கிழமை) 30 கிலோ தங்கம் பிடிபட்டது. இது கேரள அரசியலில் பெரும் பரபரப்பை ஏற்படுத்தியது.
இதுதொடர்பான வழக்கில் மூன்றாவது குற்றவாளியாக பைசல் ஃபரீத் சேர்க்கப்பட்டுள்ளார். இவர்கள் மீதான வழக்கை, தேசிய புலனாய்வு முகமை (என்ஐஏ) அலுவலர்கள் விசாரித்து வருகின்றனர்.
பைசல் ஃபரீத் தொடர்ந்து தலைமறைவாக உள்ளார். ஆகவே இவரின் இருப்பிடத்தை கண்டறியும் வகையில் சர்வதேச போலீசார் ப்ளூ கார்டன் நோட்டீஸ் வழங்க வேண்டும் என என்.ஐ.ஏ. அலுவலர்கள் வேண்டுகோள் விடுத்துள்ளனர்.
முன்னதாக இந்த வழக்கில் குற்றஞ்சாட்டப்பட்ட டெல்லி அமீரக தூதரின் பாதுகாவலர் ஜெய்கோஷ் திருவனந்தபுரம் நீதித்துறை நடுவர் முன்னிலையில் வாக்குமூலம் அளித்தார். அவரின் வாக்குமூலம் முழுவதும் பதிவு செய்யப்பட்டது.
வியாழக்கிழமை (ஜூலை16) முதல் தலைமறைவாக இருந்த காவலர் ஜெய்கோஷ் தனது மணிக்கட்டை அறுத்து தற்கொலைக்கு முயன்றிருக்கலாம் என்றும் காவலர்கள் தரப்பில் கூறப்படுகிறது.
