ஊழலில் ஈடுபட்ட அலுவலர்களுக்கு கட்டாய ஓய்வு - மத்திய அமைச்சர் தகவல்!

டெல்லி: பிரதமர் மோடியின் ஆட்சியில் ஊழலில் ஈடுபட்ட 312 அரசு அலுவலர்களுக்கு கட்டாய ஒய்வு அளிக்கப்பட்டுள்ளதாக மத்திய இணையமைச்சர் ஜிதேந்தர சிங் தெரிவித்துள்ளார்.

மத்திய அமைச்சரவையின் பட்ஜெட் கூட்டத்தொடர் நடைபெற்று வருகிறது. இதில் நேற்று நடைபெற்ற கூட்டத்தில் பிரதமர் அலுவலக விவகாரங்களுக்கான இணையமைச்சர் ஜிதேந்தர சிங் பேசினார். அப்போது, 36 ஆயிரம் குரூப் ஏ அலுவலர்கள், 82 ஆயிரம் குரூப் பி அலுவலர்களின் செயல்பாடுகள் 2014ஆம் ஆண்டு முதல் 2019 மே வரை கண்காணிக்கப்பட்டது.

அதில் சரியாக செயல்படாததிற்காகவும், ஊழலில் ஈடுபட்டதற்காகவும்125 குரூப் ஏ அலுவலர்களுக்கும், 187 குரூப் பி அலுவலர்களுக்கும் கட்டாய ஒய்வு அளிப்பட்டுள்ளதாக ஜிதேந்தர சிங் தெரிவித்தார்.