நெதர்லாந்தில் கால்பதித்த முதல் இந்தியர் ஓர் தமிழர்- இந்தியத் தூதர் தகவல் !

டெல்லி: நெதர்லாந்தில் கால்பதித்த முதல் இந்தியர் ஓர் தமிழர் என்று இந்தியத் தூதரும், எழுத்தாளருமான வேணு ராஜமோனி தெரிவித்துள்ளார்.

நெதர்லாந்துக்கான இந்தியத் தூதர் வேணு ராஜமோனி. தமிழ்நாட்டைச் சேர்ந்த இவர், டச்சு - இந்தியா இடையேயான நீண்டகால தொடர்பை விரிவாக எடுத்துரைக்கும் புத்தகம் ஒன்றை எழுதியுள்ளார். 'India and the Netherlands, Past, Present and Future' என தலைப்பிடப்பட்ட இந்த புத்தகம் சமீபத்தில் வெளியானது.

இந்நிலையில், அவர் எழுதிய இந்த புத்தகம் குறித்து நம் ஈடிவி பாரத்துக்கு பிரத்யேகப் பேட்டியளித்தார்.

அப்போது பேசிய அவர், "இந்தியாவில் நான்கு முக்கிய டச்சு காலனி ஆதிக்கங்கள் இருந்தன. அதில் ஒன்று தமிழ்நாட்டின் கிழக்கு கடலோரத்திலும் (கோரமண்டல்) அமைந்திருந்தது. டச்சுக்காரர்களின் ஆடை வணிகத்தில் இந்த காலனி வணிகம் பெரும் பங்காற்றியது. இங்கிருந்து சீனா, இந்தோனேசியா, ஐரோப்பா எனப் பல்வேறு நாடுகளுக்கும் ஆடை ஏற்றுமதி செய்யப்பட்டன.

மேலும், தமிழ்நாட்டிற்கு வந்த மதப்பரப்பாளர்கள் (மெஷினரீஸ்) இங்குத் தமிழ் கற்றுக்கொண்டு, இந்து மதம் குறித்து டச்சு மொழியில் புத்தகங்கள் எழுதியுள்ளனர்.

நெதர்லாந்தில் கால்பதித்த முதல் இந்தியர் ஒரு தமிழர் என்றும், அவரது பெயர் 'ஹெரிட் மூசப்பட்டம்' என்றும் சான்றோர்கள் தெரிவிக்கின்றனர். 'முசூலிப்பட்டம்' ஊரின் பெயரே மூசப்பட்டம் என்று மருவியதாகத் தெரிகிறது.

நெதர்லாந்தில் புகழ்பெற்ற ஹேக் கடற்கரை நகரில் உள்ள ஆவணத்தில் தமிழ் கையெழுத்து பதியப்பட்டுள்ளது. இந்த ஆவணம் 1666ஆம் ஆண்டை சேர்ந்ததாகும்!" எனத் தெரிவித்தார்.

இதையும் படிங்க: