இதுதொடர்பாக முதலமைச்சர் மம்தா பானர்ஜிக்கு அனுப்பப்பட்டுள்ள கடிதத்தில், "சுகாதாரப் பணியாளர்களின் பாதுகாப்பு கேள்விக்குறியாகியுள்ள சூழலில், அவர்களுக்குத் தேவையான பாதுகாப்பை மேற்கு வங்க அரசு உறுதி செய்ய வேண்டும்.
ஒருவேளை இவர்களுக்கு நோய்த் தொற்று ஏற்படும் பட்சத்தில் சுகாதாரத்துறையே சீர்குலையும் அபாயத்தில் உள்ளது.
உள்ளாட்சி அமைப்புகளின் மூலம், இந்திய மருத்துவ ஆராய்ச்சி கவுன்சிலின் குறிப்பிடத் தரநிலையைப் பின்பற்றி கூடுதலாகப் பரிசோதனை மையங்களைத் திறக்க வேண்டும்.
மேற்கு வங்க அரசு அமைத்துள்ள நிபுணர்கள் குழுக்களில் நுண்ணுயிரியல், தொற்றுநோய், நுரையீரல், சுகாதாரம் ஆகியத் துறைகளின் நிபுணர்களையும் சேர்த்துக்கொள்ள வேண்டும்.
கோவிட்-19 நோயால் பாதிக்கப்பட்டவர்கள், உயிரிழந்தவர்கள் குறித்தான தகவல்களை வெளியிடுவதில் அரசு வெளிப்படைத் தன்மையுடன் செயல்பட வேண்டும்.
கோவிட்-19 பெருந்தொற்றை எதிர்கொள்வது குறித்து சுகாதாரப் பணியாளர்களுக்குத் தினமும் பயிற்சி வழங்கப்படுகிறதா என்பதை உறுதி செய்ய வேண்டும்" எனத் தெரிவிக்கப்பட்டுள்ளது.
கோவிட்-19 கட்டுப்பாட்டில் மேற்கு வங்க அரசு மேற்கொண்டுவரும் நடவடிகக்கைகள் விமர்சனத்துக்குள்ளாகியுள்ள சூழலில், இந்த கடிதமானது எழுதப்பட்டுள்ளது.
இதையும் படிங்க : மாநில முதலமைச்சர்களுடன் பிரதமர் மோடி மீண்டும் ஆலோசனை
