நாடு முழுவதும் மக்களவைத் தேர்தல் ஏழு கட்டங்களாக நடைபெற இருக்கிறது. ஏப்ரல் 11-ம் தேதி தொடங்கும் தேர்தல் மே 19-ம் தேதி முடிவடைய இருக்கிறது. ஆந்திராவை பொறுத்தவரை அம்மாநிலத்துக்கு ஏப்ரல் 11-ம் தேதி ஒரேகட்டமாக மக்களவைத் தேர்தலுடன் சட்டப்பேரவை தேர்தலும் நடைபெற இருக்கிறது.
இந்நிலையில், அம்மாநில முதல்வர் சந்திரபாபு நாயுடு அமராவதியில் செய்தியாளர்களிடம் பேசுகையில், குப்பம் சட்டன்ற தொகுதியில் தான் போட்டியிட இருக்கிறேன். திருப்பதி கோயிலில் தரிசனம் செய்த பிறகு அனைத்து மாவட்ட கட்சி நிர்வாகிகளிடமும் பேச இருக்கிறேன். வரும் 20-ம் தேதி முதல், மாநிலம் முழுவதும் தீவிர பிரசாரம் மேற்கொள்ள இருக்கிறேன் என்றார்.
