கரோனாவை வென்ற 105 வயது மூதாட்டி!

கொப்பலா: கர்நாடக மாநிலம் கொப்பலா மாவட்டத்தைச் சேர்ந்த 105 மூதாட்டி கரோனா வைரஸ் பாதிப்பிலிருந்து மீண்டுள்ள சம்பவம் பலருக்கும் புத்துணர்ச்சியை அளித்துள்ளது.

கர்நாடக மாநிலம் கொப்பலா மாவட்டத்தின் அருகில் உள்ள கத்தார்கி கிராமத்தைச் சேர்ந்த 105 வயதாகும் மூதாட்டி கமலாம்மா. இவருக்கு கடந்த சில நாள்களாக அதிக காய்ச்சல் இருந்த நிலையில், கரோனா பரிசோதனை மேற்கொள்ளப்பட்டுள்ளது.

அந்தப் பரிசோதனையின் முடிவில் கரோனா தொற்று உறுதியான நிலையில், மருத்துவமனையில் சிகிச்சைப் பெற மறுத்துள்ளார். இதனைத் தொடர்ந்து அவரது மகன் சங்கர கவுடா மூலம், வீட்டிலேயே தனிமைப்படுத்திக் கொண்டு சிகிச்சை வழங்க ஏற்பாடு செய்யப்பட்டுள்ளது.