இந்தியாவில் கோவிட்-19 தடுப்பூசித் திட்டம் மூன்றாம் கட்டத்தை எட்டியுள்ள நிலையில், கோவாக்ஸின், கோவிஷீல்டு தடுப்பூசிகளுக்கு அடுத்தபடியாக ரஷ்யாவைச் சேர்ந்த ஸ்புட்னிக் வி தடுப்பூசியும் தற்போது பயன்பாட்டுக்கு வந்துள்ளது.
ஸ்புட்னிக் வி தடுப்பூசி பயன்பாட்டிற்கு இந்தியா மருந்து கட்டுப்பாட்டு மையம் அனுமதி அளித்ததையடுத்து, முதற்கட்டமாக 1.5 லட்சம் தடுப்பூசிகள் ரஷ்யாவில் இருந்து இறக்குமதி செய்து டாக்டர் ரெட்டி நிறுவனத்திற்கு விநியோகம் செய்யப்பட்டன. இந்த தடுப்பூசிகளை அப்பல்லோ மருத்துமனை நிர்வாகத்துடன் இணைந்து டாக்டர் ரெட்டி நிறுவனம் பயன்பாட்டிற்கு கொண்டு வந்துள்ளது.
முதற்கட்டமாக தெலங்கானா தலைநகர் ஹைதராபாத்தில் உள்ள அப்பல்லோ மருந்துவமனைகளில் (மே 17) இன்று முதல் பயன்பாட்டிற்கு வந்துள்ளன. நாளை முதல் ஆந்திர பிரதேசத்தின் விசாகப்பட்டினத்தில் உள்ள அப்பல்லோ மருந்துவமனைகளில் கிடைக்கும் என தெரிவித்துள்ள டாக்டர் ரெட்டி நிறுவனம், அடுத்தகட்டமாக டெல்லி, மும்பை, பெங்களூரு, அகமதாபாத், சென்னை, கொல்கத்தா, புனே ஆகிய நகரங்களிலும் தடுப்பூசி கொண்டு சேர்க்கவுள்ளதாக தெரிவிக்கப்பட்டுள்ளது.
இதையும் படிங்க: ’மாட்டு மூத்திரம் குடிக்கிறேன், எனக்கு கரோனா வராது’ - பாஜக எம்பி பிரக்யா சிங்
