ஸ்ரீநகர்: ஜம்மு - காஷ்மீர் மாநிலம் ரஜோரி மாவட்டம் மஞ்சகோட்டில் இன்று (செப். 15) பேருந்து பள்ளத்தாக்கில் கவிழ்ந்ததில் 6 பேர் உயிரிழந்தனர். 25 பேர் காயமடைந்தனர். இதுகுறித்து ரஜோரி போலீசார் தரப்பில், "பூஞ்ச் மாவட்டம் சூரன்கோட்டில் இருந்து ரஜோரி மாவட்டம் நோக்கி புறப்பட்ட பேருந்து மஞ்சகோட் அருகே ஓட்டுநரின் கட்டுப்பாட்டை இழந்தது, பள்ளத்தாக்கில் கவிழ்ந்தது.
இந்த சம்பவம் தொடர்பாக, உள்ளூர் மக்கள் அளித்த தகவலின் அடிப்படையில் சம்பவயிடத்திற்கு விரைந்து மீட்பு பணியில் ஈடுபட்டோம். அப்போது 5 சம்பயிடத்திலேயே உயிரிழந்தனர். ஒருவர் மருத்துவமனைக்கு கொண்டு செல்லும் வழியில் உயிரிழந்தார். 25 பேர் சிகிச்சைக்காக அனுமதிக்கப்பட்டுள்ளனர்.
அவர்களில் சிலரது உடல்நிலை கவலைக்கிடமாக உள்ளதாக மருத்துவர்கள் தெரிவித்துள்ளனர். எங்களோடு உள்ளூர் மக்களும் மீட்பு பணியில் ஈடுபட்டனர்" எனத் தெரிவிக்கப்பட்டுள்ளது. பூஞ்ச் மாவட்டத்தின் மண்டியில் நேற்று நடந்த சாலை விபத்தில் 12 பேர் உயிரிழந்தனர். 27 பேர் காயமடைந்தனர்.
இதையும் படிங்க: இருசக்கர வாகன ஓட்டி மீது ஏறிய லாரி
