இந்தியா முழுவதும் 38 விமான விபத்துகள்.. 49 பேர் உயிரிழப்பு.. மாநிலங்களவையில் வி.கே.சிங்..

இந்தியா முழுவதும் 2019ஆம் ஆண்டு முதல் 38 விமான விபத்துகள் நடந்துள்ளதாகவும், அதில் 49 பேர் உயிரிழந்துள்ளதாகவும் விமானப் போக்குவரத்துத்துறை இணையமைச்சர் வி.கே. சிங் தெரிவித்தார்.

டெல்லி: இந்தியா முழுவதும் 2019ஆம் ஆண்டு முதல் 38 விமான விபத்துகள் நடந்துள்ளன. அதில் 49 பேர் உயிரிழந்துள்ளனர். அதிகபட்சமாக கோழிக்கோடு விமான விபத்தில் 21 பேர் உயிரிழந்தனர் என்று விமானப் போக்குவரத்துத்துறை இணையமைச்சர் வி.கே. சிங் இன்று (டிசம்பர் 12) மாநிலங்களவையில் தெரிவித்தார். அதோடு விமான விபத்துகளில் பாதிக்கப்பட்டவர்களின் குடும்ப உறுப்பினர்களுக்கு இழப்பீடு வழங்கப்பட்டுள்ளது. இந்த இழப்பீடு விமான சட்டம், 1972இன் படி வழங்கப்படுகிறது. இதுபோன்ற விபத்துகளை தடுக்கவும், நாட்டில் விமானங்கள்/ஹெலிகாப்டர்களை பாதுகாப்பான முறையில் இயக்கவும் மத்திய அரசு பல்வேறு நடவடிக்கைகளை எடுத்துவருகிறது எனத் தெரிவித்தார்.