புதுடெல்லி: ஆப்கானிஸ்தானில் தாலிபான்கள் ஆட்சியைக் கைப்பற்றியுள்ள நிலையில், சென்ற மாதம் ஆப்கானிஸ்தானிலிருந்து வெளியேற்றப்ப 11 நேபாள நாட்டவர் உள்ளிட்ட 35 நபர்கள் இந்தோ-திபெத்திய எல்லைக் காவல்துறையின் பாதுகாப்பு மையத்தில் 14 நாள்கள் கட்டாய தனிமைப்படுத்தலில் வைக்கப்பட்டனர்.
இந்நிலையில் தனிமைப்படுத்தப்பட்ட 113 நபர்கள் தற்போது டிஸ்சார்ஜ் செய்யப்பட்டதாக ஐடிபிபி செய்தித் தொடர்பாளர் விவேக் குமார் பாண்டே கூறினார்.
இந்தோ-திபெத்திய எல்லையில் தனிமைப்படுத்துதல்
கரோனா பரவல் காரணமாக வெளிநாடுகளிலிருந்து வருபவர்களுக்கு 14 நாள்கள் தனிமைப்படுத்துதல் கட்டாயமாக்கப்பட்டுள்ளது.
இந்நிலையில் ஆப்கானிஸ்தானில் தாலிபான்கள் ஆட்சியைக் கைப்பற்றிதை அடுத்து அங்கிருந்து தொடர்ந்து மீட்கப்பட்டு இந்தியா அழைத்துவரப்படுபவர்களும் தனிமைப்படுத்தப்பட்டு வருகின்றனர். அதன்படி, இந்தோ- திபெத்திய எல்லைக் காவல்துறையின் பாதுகாப்பு மையத்தில் இவர்கள் கட்டாயமாக தனிமைப்படுத்தப்பட்டு வருகின்றனர்.
அந்த வகையில் இங்கு தனிமைப்படுத்தப்பட்ட நேபாளத்தைச் சேர்ந்த 24 இந்தியர்களும் 11 நேபாள நாட்டவரும் முன்னதாக விடுவிக்கப்பட்டனர். இதேபோல், நேற்று முன் தினம் (செப்.07), 53 ஆப்கானிஸ்தான் நாட்டவர்கள் உள்பட 78 பேர், தனிமைப்படுத்தப்பட்ட காலத்திற்குப் பிறகு ஆர்டி பிசிஆர் சோதனைகள் மேற்கொள்ளப்பட்டு பின் விடுவிக்கப்பட்டனர்.
வெளியேறியவர்களுக்கு சிவப்பு ரோஜாக்கள்
தென்மேற்கு டெல்லியின் சாவ்லா பகுதியில் அமைந்துள்ள ஐடிபிபி மையத்தை விட்டு சமீபத்தில் வெளியேறிய இவர்களுக்கு மருத்துவ சான்றிதழ்களுடன் சிவப்பு ரோஜாக்களும் வழக்கப்பட்டன.
இந்த ஐடிபிபி தனிமைப்படுத்துதல் மையம் கடந்த ஆண்டு கரோனா பரவத் தொடங்கியது முதலேயே செயல்பட்டு வருகிறது. குறைந்தபட்சம் எட்டு நாடுகளைச் சேர்ந்த வெளிநாட்டவர்கள் உள்பட 1,200க்கும் மேற்பட்டோர் இதுவரை இங்கு தங்கியுள்ளனர்.
ஐடிபிபி என்றால் என்ன?
ஐடிபிபி என்பது உள்துறை அமைச்சகத்தின் (MHA) கீழ் உள்ள மருத்துவ அமைப்புடன் கூடிய எல்லைப் பாதுகாப்பு படையாகும்.
மேலும் நாட்டின் உள்நாட்டுப் பாதுகாப்புக் களத்தில் முக்கியப் பங்கு வகிக்கும் இந்தோ-திபெத்திய எல்லைக் காவல்துறை, சீனாவுடனான 3,488 கிமீ நீளமுள்ள எல்லைக் கட்டுப்பாட்டு கோட்டைக் காக்கும் பணியிலும் முக்கியப் பணியாற்றுகிறது.
இதையும் படிங்க: கரோனா பாதித்த யுபிஎஸ்சி தேர்வர்... நேர்காணல் தேதியை மாற்றி அறிவித்த தேர்வாணையம்... போராடிக் காப்பாற்றிய மருத்துவக் குழு!
