திருவனந்தபுரம்: கேரள மாநிலம் வெங்கனூர் பகுதியைச் சேர்ந்த சிறுவன் சிவனாபராயணன் (12), ஏழாம் வகுப்பு படித்துவந்தான். இவன் சமூக வலைதளங்களில் 'பையர் ஹேர் ஸ்ட்ரெயிட்னிங்' காணொலி ஒன்றைப் பார்த்ததும், அதனை முயற்சிக்க முடிவுசெய்துள்ளார். அதன்படி, தலைமுடியில் மண்ணெண்ணெய் ஊற்றிக்கொண்டு நெருப்பிட்டு ஹேர் ஸ்ட்ரெயிட்னிங்கில் ஈடுபட்டுள்ளான்.
அனுபவம் இல்லாமல் முயற்சி செய்ததால், தலையில் அதிகளவில் தீக்காயம் ஏற்பட்டுள்ளது. உடனடியாகச் சிறுவனை, அருகிலுள்ள மருத்துவமனைக்குக் கொண்டுசென்றனர்.
ஆனால், சிகிச்சைப் பலனின்றி உயிரிழந்தான். சிறுவனுக்கு ஆன்லைன் வகுப்பிற்காக, ஸ்மார்ட்போன் கொடுக்கப்பட்டிருந்ததாகக் கூறப்படுகிறது. இது குறித்து வழக்குப்பதிவு செய்த காவல் துறையினர் விசாரணை மேற்கொண்டுவருகின்றனர்.
இதையும் படிங்க: தீப்பிடித்து எரிந்த ராணுவப் பயிற்சி வாகனம்: 3 வீரர்கள் உடல் கருகி உயிரிழப்பு!
