மதுரை: தெற்கு ரயில்வேயில் இயக்கப்படும் 53 விரைவு ரயில்கள், கடந்த ஆண்டு செப்டம்பர் மாதம் முதல் 6 மாதங்களுக்கு கூடுதல் ரயில் நிலையங்களில் பரிசோதனை அடிப்படையில் நின்று செல்ல ரயில்வே வாரியம் ஒப்புதல் அளித்தது. தற்போது இந்த வசதி மறு அறிவிப்பு வரும் வரை தொடரும் எனவும் அறிவிக்கப்பட்டு உள்ளது.
அதன்படி, நாகர்கோவில் - மும்பை - நாகர்கோயில் ரயில் (வண்டி எண்: 16340/16339) கொடைக்கானல் ரோடு ரயில் நிலையத்திலும், மதுரை - புனலூர் - மதுரை ரயில் (வண்டி எண்: 16729/16730) கோவில்பட்டி மற்றும் சாத்தூர் ரயில் நிலையங்களிலும், திருச்சி - ராமேஸ்வரம் - திருச்சி ரயில் ( வண்டி எண்: 16849/16850) கீரனூர் ரயில் நிலையத்திலும், தாம்பரம் - நாகர்கோவில் - தாம்பரம் அந்தியோதயா ரயில் (வண்டி எண்: 20691/20692) சாத்தூர் ரயில் நிலையத்திலும்,
ராமேஸ்வரம் - பெரோஸ்பூர் கண்டோன்மென்ட் - ராமேஸ்வரம் ரயில் (வண்டி எண்: 20497/20498) ராமநாதபுரம் மற்றும் புதுக்கோட்டை ரயில் நிலையங்களிலும், ராமேஸ்வரம் - அயோத்தியா கண்டோன்மெண்ட் - ராமேஸ்வரம் ஷிரத்தா சேது ரயில் (22613/22614) காரைக்குடி மற்றும் ராமநாதபுரம் நிலையங்களிலும் மறு அறிவிப்பு வரும் வரை நின்று செல்லும். அதே போல மதுரை - சென்னை - மதுரை வைகை எக்ஸ்பிரஸ் (வண்டி எண்: 12636/12635) ஸ்ரீரங்கம் ரயில் நிலையத்திலும், திருப்பதி - ராமேஸ்வரம் - திருப்பதி ரயில் (வண்டி எண்: 16779/16780) ஆரணி ரோட்டிலும்,
மங்களூரு - கோவை செல்லும் இன்டர்சிட்டி எக்ஸ்பிரஸ் ரயில் நீலேஷ்வர் ரயில் நிலையத்திலும், ராக்ஃபோர்ட் எக்ஸ்பிரஸ் ரயில் கல்லக்குடி பழங்காநத்தத்திலும், உழவன் எக்ஸ்பிரஸ் ரயில் கடலூர் துறைமுகத்திலும், தாதர் - புதுச்சேரி எக்ஸ்பிரஸ் ரயில் ஆரணி ரோடு ரயில் நிலையத்திலும், ஹௌரா- புதுச்சேரி எக்ஸ்பிரஸ் ரயில் திருவண்ணாமலையிலும், சென்னை - குருவாயூர் எக்ஸ்பிரஸ் ரயில் ஆரல்வாய்மொழி ரயில் நிலையத்திலும், மயிலாடுதுறை - மைசூரு எக்ஸ்பிரஸ் ரயில் புகழூர் ரயில் நிலையத்திலும், மறு அறிவிப்பு வரும் வரை நின்று செல்லும் என தெற்கு ரயில்வே அறிவித்துள்ளது.
இதையும் படிங்க: “இடமாற்றம் செய்யும் உத்தரவை அரசு ஊழியர்கள் தண்டனையாக பார்க்கக்கூடாது” - மதுரைக்கிளை அறிவுறுத்தல்!
