சென்னை: தமிழ்நாடு காங்கிரஸ் கமிட்டி தலைவர் செல்வப்பெருந்தகை வெளியிட்டுள்ள அறிக்கையில், “ சட்டமன்ற காங்கிரஸ் கட்சியின் கொறடாவாக வேளச்சேரி சட்டமன்ற உறுப்பினர் ஹசன் மௌலானாவும், சட்டமன்ற காங்கிரஸ் கட்சி துணைத் தலைவராக சோளிங்கர் சட்டமன்ற உறுப்பினர் முனிரத்தினமும் செயல்படுவார்கள்” என தெரிவிக்கப்பட்டுள்ளது.
முன்னதாக, காங்கிரஸ் சார்பில் விளவங்கோடு தொகுதியில் போட்டியிட்டு எம்.எல்.ஏ.வாக பதவி வகித்து வந்த விஜயதாரணி, நடந்து முடிந்த நாடாளுமன்றத் தேர்தலுக்கு முன் பாஜகவில் இணைந்தார் என்பது குறிப்பிடத்தக்கது.
நாளை சட்டமன்ற கூட்டத்தொடர் துவங்கவுள்ள நிலையில், தமிழக காங்கிரசில் புதிய பதவி நியமனங்கள் அறிவிக்கப்பட்டுள்ளது.
