மதுரை: மேலூர் பகுதியில் பாஜகவினர் வாகனத்தில் சென்று வாக்கு சேகரிக்கும் போது அப்பகுதியைச் சேர்ந்த விடுதலைச் சிறுத்தை கட்சியினர் தாக்குதலில் ஈடுபட்டதால் இருவர் காயமடைந்தனர். இதனை தொடர்ந்து காயமடைந்தவர்கள் மதுரை அரசு ராஜாஜி மருத்துவமனையில் சிகிச்சை பெற்று வருகின்றனர். இதுகுறித்து தகவல் அறிந்த பாஜக வேட்பாளர் ராம சீனிவாசன் மருத்துவமனையில் சிகிச்சை பெற்று வரும் பாஜக தொண்டர்களைச் சந்தித்து ஆறுதல் கூறினார்.
பிறகு செய்தியாளர்களைச் சந்தித்த அவர், "நேற்று மேலூர் பகுதி, எட்டிமங்கலம் கிராமத்தில் விடுதலை சிறுத்தை கட்சியைச் சேர்ந்தோர், பாஜக தொண்டர்கள் ஆட்டோ வாகன பிரச்சாரத்திற்கு முறையான அனுமதி பெற்று அங்குப் பிரச்சாரத்தில் ஈடுபட்ட போது, பாஜகவினரை வழிமறித்து கடும் தாக்குதல் நடத்தியுள்ளனர். தமிழ்நாடு அரசின் ஆதரவோடு விசிகவினர் இது மாதிரியான தாக்குதல்களை மேற்கொள்கின்றனர்.
