விழுப்புரம்: 'என் மண் என் மக்கள்' பாத யாத்திரையை தமிழ்நாடு பாஜக மாநில தலைவர் அண்ணாமலை விழுப்புரம் காந்தி சிலையிலிருந்து தொடங்கினார். திரு.வி.க வீதி, காமராஜர் வீதி வழியாக திருச்சி - சென்னை தேசிய நெடுஞ்சாலையில் தொண்டர்கள் மத்தியில் அண்ணாமலை உரையாற்றினார்.
அப்போது பேசுகையில், “கடந்த ஆண்டு ஜூலை 28ஆம் தேதி அன்று தொடங்கி இன்று 104வது தொகுதியில் உரையாற்றுகிறேன். தமிழக அரசியலில் முழுமையான மாற்றம் வேண்டும். இங்கு மக்களுக்கு ஒரு அரசியலும், ஆளுகின்றவர்களுக்கு ஒரு அரசியலும் இருக்கிறது. தமிழகத்தில் தரமற்ற பள்ளிகள் உள்ளது. தமிழக அமைச்சர்கள் 11 பேர் மீது ஊழல் வழக்கு தற்போது நீதிமன்றத்தில் உள்ளது. விழுப்புரத்தில் இரண்டு அமைச்சர்கள் இருந்தார்கள்.
அதில் ஒரு அமைச்சர் சாராய வியாபாரிகளுடன் கைகோர்த்து இயங்கியது எல்லோருக்கும் தெரியும். மற்றொரு அமைச்சர் தற்போது தண்டனை பெற்றுள்ளார். மக்கள் வரிப்பணத்தில் இலாக்கா இல்லாத அமைச்சர்களை வைத்துள்ளது திமுக அரசு.
-
விழுப்புரம் மாவட்டத்தை இணைக்கும் தேசிய நெடுஞ்சாலைகளுக்கு இதுவரை 4,777 கோடி ரூபாய் நமது மத்திய அரசு செலவிட்டுள்ளது. விழுப்புரம் ரயில் நிலையம் 24 கோடி ரூபாய் செலவில் சீரமைக்கப்பட்டுள்ளது. 76,904 பேருக்கு பிரதமரின் வீடு திட்டம் மூலமாக வீடு, 2,67,008 வீடுகளில் குழாய் மூலம் குடிநீர்,… pic.twitter.com/VwRKAsydlq
— K.Annamalai (@annamalai_k) January 28, 2024 " class="align-text-top noRightClick twitterSection" data="
">விழுப்புரம் மாவட்டத்தை இணைக்கும் தேசிய நெடுஞ்சாலைகளுக்கு இதுவரை 4,777 கோடி ரூபாய் நமது மத்திய அரசு செலவிட்டுள்ளது. விழுப்புரம் ரயில் நிலையம் 24 கோடி ரூபாய் செலவில் சீரமைக்கப்பட்டுள்ளது. 76,904 பேருக்கு பிரதமரின் வீடு திட்டம் மூலமாக வீடு, 2,67,008 வீடுகளில் குழாய் மூலம் குடிநீர்,… pic.twitter.com/VwRKAsydlq
— K.Annamalai (@annamalai_k) January 28, 2024விழுப்புரம் மாவட்டத்தை இணைக்கும் தேசிய நெடுஞ்சாலைகளுக்கு இதுவரை 4,777 கோடி ரூபாய் நமது மத்திய அரசு செலவிட்டுள்ளது. விழுப்புரம் ரயில் நிலையம் 24 கோடி ரூபாய் செலவில் சீரமைக்கப்பட்டுள்ளது. 76,904 பேருக்கு பிரதமரின் வீடு திட்டம் மூலமாக வீடு, 2,67,008 வீடுகளில் குழாய் மூலம் குடிநீர்,… pic.twitter.com/VwRKAsydlq
— K.Annamalai (@annamalai_k) January 28, 2024
கல்வி, சுகாதாரம் போன்றவை மிக மோசமான நிலையில் உள்ளன. தமிழகத்தின் மற்ற மாவட்டங்களில் பார்க்கின்ற போது மனித வளர்ச்சியில் கடைசி நான்காவது இடத்தில் உள்ளது விழுப்புரம் மாவட்டம். திருமாவளவன் போன்றவர்கள் முட்டாள் தனமான தீர்மானத்தை நிறைவேற்றுகிறார்கள்.
'ஒரே நாடு ஒரே தேர்தல் எப்போதும் கொண்டு வரக்கூடாது என்கிற தீர்மானத்தை விடுதலை சிறுத்தை கட்சி மாநாட்டில் இயற்றுகிறார்கள். தமிழ்நாடு முதலமைச்சரை மேடையில் அமர வைத்து தீர்மானத்தை நிறைவேற்றுகிறார். நெஞ்சுக்கு நீதியில் முதலமைச்சரின் அப்பா கருணாநிதி ஒரே நாடு ஒரே தேர்தல் வேண்டும் என்று எழுதியிருக்கிறார். அதற்கு மாறாக, திருமாவளவன் தீர்மானம் நிறைவேற்றுகிறார்.
மேலும், ஒரு தீர்மானம் மத்திய அமைச்சரவையில் பட்டியலின மக்களுக்கு பிரதிநிதித்துவம் இல்லை என தீர்மானத்தை திருமாவளவன் போட்டு இருக்கிறார். மத்திய அமைச்சரவையில் 76 அமைச்சர்கள் இருக்கிறார்கள். இதில் 12 பேர் பட்டியலின அமைச்சர்கள். தமிழக அமைச்சரவையில் 35 அமைச்சர்கள் இருக்கிறார்கள். இதில் 3 பேர் பட்டியலின அமைச்சர்கள்.
திருமாவளவன் போன்றவர்கள் வேங்கைவயல் பிரச்னைகளைக் கண்டிக்க வேண்டும். தற்போது திமுக எம்எல்ஏ வீட்டில் ஒரு பட்டியலின பெண்ணுக்கு ஏற்பட்ட கொடூரத்தைக் கண்டித்து இருக்க வேண்டும். இன்னமும் இரட்டை டம்ளர் முறை இருந்து வருகிறது.
கோயிலுக்குள் நுழைய முடியவில்லை. இதையெல்லாம் கண்டித்து இருக்க வேண்டும். தொண்டர்கள் வளர்ச்சி அடைய வேண்டும். இந்தியாவில் எங்கும் இல்லாத அளவு வாரிசு அரசியல் தமிழகத்தில் நிலைத்திருக்கிறது. நரேந்திர மோடியை சிறுபான்மையின மக்களுக்கு எதிரி போல சித்தரித்துக் காட்டுகிறார்கள்.
யார் ஒருவன் தூய்மையான இந்துவோ, அவன் இஸ்லாமியர் கிறிஸ்தவர்களுக்கு துரோகம் இழைக்க மாட்டான். வரும் தேர்தலில் உங்கள் தொகுதியில் வேட்பாளராக நிறுத்தப்படுபவர் நரேந்திர மோடி நமது சின்னம் தாமரை இதை மட்டுமே கருத்தில் கொண்டு பணியாற்ற வேண்டும்” என்று பேசினார்.
இதையும் படிங்க: "நாடாளுமன்ற தேர்தலில் திமுகவிற்கு மரண அடி தரவேண்டும்" - ஈபிஎஸ்
