ஜெய்பூர்: 2024 ஐபிஎல் தொடர் கடந்த மார்ச் 22ஆம் தேதி தொடங்கி வெகு விமர்சையாக நடைபெற்று வருகிறது. 8 போட்டிகள் முடிவடைந்த நிலையில், இத்தொடரின் 9வது போட்டி இன்று ஜெய்பூர் மைதானத்தில் நடைபெறுகிறது. இந்த போட்டியில் ரிஷப் பந்த் தலைமையிலான டெல்லி அணியும், சஞ்சு சாம்சன் தலைமையிலான ராஜஸ்தான் அணியும் மோதுகின்றன.
ராஜஸ்தான் ராயல்ஸ் அணி விளையாடி ஒரு போட்டியில் வெற்றி பெற்று 2வது இடத்தில் உள்ளது. அதேநேரம், டெல்லி அணி விளையாடிய கடந்த போட்டியில் தோல்வியைத் தழுவி புள்ளிப் பட்டியலில் 8வது இடத்தில் உள்ளது. அதனால் இந்த போட்டியில் டெல்லி அணி வென்று தனது வெற்றிக் கணக்கை தொடங்க வேண்டும் என்ற முனைப்புடன் களம் இறங்குகிறது.
இந்த நிலையில், இந்த போட்டிக்கான டாஸ் வீசப்பட்டது. டாஸ் வென்ற டெல்லி அணி பந்து வீச்சை தேர்வு செய்துள்ளது. அதன்படி, ராஜஸ்தான் அணி முதலில் பேட்டிங் செய்கிறது. டெல்லி அணியில் இஷாந்த் ஷர்மா மற்றும் ஷாய் ஹோப் ஆகியோருக்கு பதிலாக அன்ரிச் நார்ட்ஜே மற்றும் முகேஷ் குமார் சேர்க்கப்பட்டுள்ளனர்.
இரு அணிகளுக்கான பிளேயிங் 11
டெல்லி கேபிடல்ஸ் அணி: டேவிட் வார்னர், மிட்செல் மார்ஷ், ரிக்கி புய், ரிஷப் பண்ட் (விக்கெட் கீப்பர் மற்றும் கேப்டன்), டிரிஸ்டன் ஸ்டப்ஸ், அக்சர் படேல், சுமித் குமார், குல்தீப் யாதவ், அன்ரிச் நார்ட்ஜே, கலீல் அகமது, முகேஷ் குமார்.
ராஜஸ்தான் ராயல்ஸ் அணி: யஷஸ்வி ஜெய்ஸ்வால், ஜோஸ் பட்லர், சஞ்சு சாம்சன் (விக்கெட் கீப்பர் மற்றும் கேப்டன்), ரியான் பராக், ஷிம்ரோன் ஹெட்மியர், துருவ் ஜூரல், ரவிச்சந்திரன் அஷ்வின், டிரெண்ட் போல்ட், யுஸ்வேந்திர சாஹல், சந்தீப் சர்மா, அவேஷ் கான்.
இதையும் படிங்க: ’தலைவர் 171’ டைட்டில் டீசர் எப்போது? - லோகேஷ் கனகராஜ் வெளியிட்ட அப்டேட்! - Thalaivar 171 Title Teaser
