தோனி முதல் கோலி வரை தக்க வைக்கப்பட்டுள்ள வீரர்கள் யார்? ஐபிஎல் அணிகளின் முழு ரிடென்ஷன்ஸ் லிஸ்ட்!

ஐபிஎல் 2025ஆம் ஆண்டு சீசன் வரும் மார்ச் இறுதியில் தொடங்க உள்ள நிலையில், அணியில் தக்க வைக்கப்பட்டுள்ள வீரர்கள் குறித்தான அதிகாரப்பூர்வ அறிவிப்பு வெளியாகியுள்ளது.

ஹைதராபாத்: 2025ஆம் ஆண்டுக்காக ஐபிஎல் போட்டிகளின் 18வது சீசன் அடுத்த ஆண்டு நடைபெறவுள்ளது. இந்த ஐபிஎஸ் போட்டிக்கான மெகா ஏலம் விரைவில் நடைபெற இருக்கிறது. இதற்கு முன்பாக, ஒவ்வொரு அணியும் அதிகபட்சமாக 6 வீரர்களை தக்கவைத்துக் கொள்ளலாம் என தெரிவிக்கப்பட்டு இருந்தது. அதன்படி, ஒவ்வொரு அணி வீரர்களும் இன்று தங்களது அணியில் தக்க வைக்கப்பட்டுள்ள வீரர்களின் பட்டியலை வெளியிட்டுள்ளன.

சென்னை சூப்பர் கிங்ஸ்: ருதுராஜ் (ரூ.18 கோடி), பதிரானா (ரூ.13 கோடி), சிவம் துபே (ரூ.12 கோடி) ஜடேஜா (ரூ.18 கோடி), தோனி (ரூ.4 கோடி) என தக்கவைக்கப்பட்டுள்ளனர்.

The wait is over and the retentions are 𝙃𝙀𝙍𝙀! 🔥

Here are all the players retained by the 🔟 teams ahead of the #TATAIPL Auction 💪

What do you make of the retention choices 🤔 pic.twitter.com/VCd0REe5Ea

— IndianPremierLeague (@IPL) October 31, 2024

மும்பை இந்தியன்ஸ்: பும்ரா (ரூ.18 கோடி), சூர்யகுமார் யாதவ் (ரூ.16.35 கோடி), ஹர்திக் பாண்டியா (ரூ.16.35 கோடி), ரோஹித் சர்மா (ரூ.16.30 கோடி), திலக் வர்மா (ரூ.8 கோடி).

ராயல் சேலஞ்சர்ஸ் பெங்களூரு: ஆர்சிபி அணி தரப்பில் நட்சத்திர வீரர் விராட் கோலி ரூ.21 கோடிக்கும், இளம் வீரர் ரஜத் பட்டிதர் ரூ.11 கோடிக்கும், அன்-கேப்ட் வீரரான யாஷ் தயாள் ரூ.5 கோடிக்கும் தக்க வைக்கப்பட்டுள்ளனர்.

கொல்கத்தா நைட் ரைடர்ஸ்: கேகேஆர் அணி தரப்பில் ரிங்கு சிங் (ரூ.13 கோடி), வருண் சக்கரவர்த்தி (ரூ.12 கோடி), சுனில் நரைன் (ரூ.12 கோடி), ரசல் (ரூ.12 கோடி), ஹர்சத் ராணா (ரூ.4 கோடி), ரமன்தீப் சிங் ரூ.4 கோடிக்கு தக்க வைக்கப்பட்டுள்ளனர்.

சன்ரைசர்ஸ் ஹைதராபாத்: பாட் கம்மின்ஸ் (18 கோடி), அபிஷேக் சர்மா (14 கோடி), நிதிஷ் ரெட்டி (6 கோடி), ஹென்ரிச் கிளாசன்(23 கோடி), டிராவிஸ் ஹெட் (14 கோடி)

ராஜஸ்தான் ராயல்ஸ்: சஞ்சு சாம்சன் (ரூ.18 கோடி), ஜெய்ஸ்வால் (ரூ.18 கோடி), ரியான் பராக் (ரூ.14 கோடி), துரூவ் ஜூரல் (ரூ.14 கோடி), ஷிம்ரன் ஹெட்மயர் (ரூ.11 கோடி ), சந்தீப் சர்மா ( ரூ.4 கோடி)

குஜராத் டைட்டன்ஸ்: ரஷித் கான் (ரூ.18 கோடி), சுப்மன் கில் (ரூ.16.50 கோடி), சாய் சுதர்சன் (ரூ.8.50 கோடி), ராகுல் திவாட்டியா (ரூ.4 கோடி) , ஷாரூக்கான் (ரூ.4 கோடி)

லக்னோ சூப்பர் ஜெயிண்ட்ஸ்: நிக்கோலஸ் பூரான் (ரூ.21 கோடி), ரவி பிஸ்னாய் (ரூ.11 கோடி), மாயங் யாதவ் (ரூ.11 கோடி), மோஷின் கான் (ரூ.4 கோடி), ஆயுஷ் பதோனி ( ரூ.4 கோடி)

டெல்லி கேபிட்டல்ஸ்: அக்சர் பட்டேல் (ரூ.16.50 கோடி), குல்தீப் யாதவ் (ரூ.13.25 கோடி), டிரிஸ்டன் ஸ்டப்ஸ் (ரூ.10 கோடி), அபிஷேக் போரெல் (ரூ.4 கோடி)

பஞ்சாப் கிங்ஸ்: ஷாசாங் சிங் (5.5 கோடி), பிராப்சிம்ரன் சிங் (4 கோடி ரூபாய்)