யோக்கியகர்தா: இந்தோனேஷியாவின் யோக்கியகர்தாவில் ஆசிய ஜூனியர் பேட்மிண்டன் சாம்பியன்ஷிப் தொடர் நடைபெற்று வருகிறது. இதில் சீனாவை சேர்ந்த 17 வயது இளைஞர் ஜங் ஜி ஜி மைதானத்தில் திடீரென சுருண்டு விழுந்தார். சற்று நேரம் என்ன நடக்கிறது என அறியாமல் அனைவரும் அதிர்ச்சியில் உறைந்து இருந்த நிலையில், பயிற்சியாளர்கள் ஜங் ஜி ஜியை மீட்டும் முதலுதவி சிகிச்சை அளித்தனர்.
Nothing to see here.
— Liz Churchill (@liz_churchill10) July 1, 2024
17-year-old Chinese badminton player Zhang Zhijie goes into Cardiac Arrest and dies as he collapsed on the court during a tournament in Indonesia. pic.twitter.com/zb22r5MluB
தொடர்ந்து அவரை மருத்துவமனையில் அனுமதித்தனர். தீவிர சிகிச்சை அளிக்கப்பட்ட போதிலும் ஜங் ஜி ஜி உயிரிழந்ததாக மருத்துவர்கள் தெரிவித்து உள்ளனர். மாரடைப்பு ஏற்பட்டு ஜங் ஜி ஜி உயிரிழந்ததாக மருத்துவர்கள் தெரிவித்துள்ளனர். ஜங் ஜி ஜியின் உயிரை காக்க பல்வேறு முயற்சிகள் மேற்கொண்ட போது எதுவும் பலன் அளிக்காமல் போனதாக மருத்துவர்கள் தெரிவித்துள்ளனர்.
17 வயதனா சீனா வீரர் ஜங் ஜி ஜி விளையாடிக் கொண்டு இருந்த போது மாராடைப்பு ஏற்பட்டு சுருண்டு விழுந்து உயிரிழந்த சம்பவம் அதிர்ச்சியை ஏற்படுத்தியுள்ளது. இதனிடையே மைதானத்தில் சீன பேட்மிண்டன் வீரர் ஜங் ஜி ஜி சுருண்டு விழுந்து உயிரிழந்த சம்பவம் தொடர்பான வீடியோ சமூக வலைதளங்களில் வேகமாக பரவி வருகிறது.
ஜங் ஜி ஜி மறைவுக்கு விளையாட்டு வீரர், வீராங்கனைகள் இரங்கல் தெரிவித்துள்ளனர். இந்திய பேட்மிண்டன் வீராங்கனை சிந்து இரங்கல் தெரிவித்துள்ளார்.
இதையும் படிங்க: இந்தியாவின் இளம் படையை எதிர்கொள்ள.. சிக்கந்தர் ராசா தலைமையிலான ஜிம்பாப்வே அணி! - INDIA VS ZIMBABWE T20 SERIES
