வீட்டில் காய்கறி இல்லையே, என்ன குழப்பு செய்வது என யோசிக்கிறீர்களா? வீட்டில் இருக்கும் அப்பளத்தை வைத்து சுவையான அப்பள குழம்பை செய்து பாருங்க..செம்ம டேஸ்ட்ல இருக்கும். முறையாக எப்படி அப்பள குழம்பு செய்வது என்பதை தெரிந்து கொள்ளலாம்...
தேவையான பொருட்கள்:
- நல்லெண்ணெய்-3 டேபிள் ஸ்பூன்
- அப்பளம் - 5 துண்டு
- பூண்டு - 1 கைப்பிடி
- சின்ன வெங்காயம் - 15
- தக்காளி - 2
- புளி - 1 நெல்லிக்காய் அளவு
- கடுகு - 1 டீஸ்பூன்
- வெந்தயம் - 1/2 டீஸ்பூன்
- சீரகம் - 1 டீஸ்பூன்
- மிளகாய் தூள் - 1 டீஸ்பூன்
- மல்லித்தூள் - 1 1/2 டீஸ்பூன்
- கறிவேப்பிலை - 1 கொத்து
- உப்பு, தண்ணீர்- தேவையான அளவு
செய்முறை:
- அடுப்பில் ஒரு வாணலியை வைத்து எண்ணெய் ஊற்றி சூடானதும், முழு அப்பளத்தை இரண்டு துண்டுகளாக உடைத்து பொரித்து தனியாக எடுத்து வைத்துக்கொள்ளுங்கள்.
- இப்போது, அதே எண்ணெய்யில் கடுகு சேர்த்து பெரிந்ததும், வெந்தயம், சீரகம் சேர்த்துக்கொள்ளுங்கள். அடுத்ததாக, கறிவேப்பிலை,பூண்டு சேர்த்து பொன்னிறமாகும் வரை வதக்குங்கள்.
- அதன் பிறகு, நறுக்கி வைத்த சின்ன வெங்காயம் மற்றும் உப்பு சேர்க்கவும். (சின்ன வெங்காயம் இல்லை என்றால், 1 பெரிய வெங்காயத்தை பொடியாக நறுக்கி சேர்த்துக்கொள்ளவும்).
- வெங்காயத்தின் பச்சை வாசனை நீங்கி வதங்கியதும், நறுக்கி வைத்துள்ள தக்காளியை சேர்த்து வதக்கவும்.
- அனைத்தும் வதங்கி தொக்கு பதத்திற்கு வந்ததும், மிளகாய் தூள், மல்லித்தூள் சேர்த்து பச்சை வாசனை போகும் வரை வதக்கிகொள்ளுங்கள். பின்னர், கரைத்து வடிகட்டி வைத்துள்ள புளி கரைசலை சேர்க்கவும். இப்போது, குழம்பிற்கு தேவையான தண்ணீர் சேர்த்து, மிதமான தீயில், மூடி போட்டு 3 நிமிடங்களுக்கு வேக வைத்துக்கொள்ளுங்கள்.
- இப்போது, எண்ணெய் பிரிந்து வந்ததும் முன்னதாகவே பொரித்து வைத்த அப்பளங்களை சேர்த்து மூடி போட்டு 2 நிமிடங்களுக்கு வேக வைத்து எடுத்தால் சுவையான அப்பள குழம்பு ரெடி..ஒரு முறை உங்கள் வீட்டில் செய்து பாருங்கள், குழந்தைகள் முதல் பெரியவர்கள் வரை ரொம்ப பிடிக்கும்.
இதையும் படிங்க:
- இட்லி,தோசை,சப்பாத்திக்கு அம்சமா இருக்கும் 'பூண்டு தொக்கு'..இப்படி செய்தால் 10 நாள் ஆனாலும் கெடாது!
- கிராமத்து ஸ்டைல் மொச்சை கருவாட்டு குழம்பு..இப்படி செஞ்சா சும்மா நறுக்குனு இருக்கும்!
ஈடிவி பாரத் தமிழ் வாட்ஸ்ஆப் சேனலில் இணைய இங்கே கிளிக் செய்யவும்
