சென்னை: 'டிராகன்' திரைப்படத்தின் இசையமைப்பாளர் லியோன் ஜேம்ஸின் தந்தை காலமானார். ’ஓ மை கடவுளே’ திரைப்படத்திற்கு பிறகு அஷ்வத் மாரிமுத்து இயக்கத்தில் உருவாகும் திரைப்படம் ’டிராகன்’. மிகுந்த பொருட்செலவில் உருவாகியுள்ள இத்திரைப்படத்திற்கு லியோன் ஜேம்ஸ் இசையமைக்கிறார்.
2015ஆம் ஆண்டு வெளியான ’காஞ்சனா 2’ திரைப்படத்தில் இடம்பெற்ற ”வாயா வீரா” என்ற பாடல் மூலம் லியோன் ஜேம்ஸ் இசையமைப்பாளராக அறிமுகமானார். அடுத்தடுத்து பல்வேறு படங்களுக்கு இசையமைத்த லியோன் ஜேம்ஸ் ’ஓ மை கடவுளே’ திரைப்படம் மூலம் பரவலான கவனத்தைப் பெற்றார்.
இந்நிலையில் அவரது இசையில் ’டிராகன்’ படத்தின் மூன்றாவது சிங்கிளான ”ஏன்டி விட்டு போன” பாடல் நேற்று மாலை வெளியானது. காதல் தோல்வி பாடலாக உருவாகியுள்ள இப்பாடலை நடிகர் சிலம்பரசன் பாடியுள்ளார். இப்பாடலின் ப்ரோமோ வீடியோவில் சிலம்பரசன். இயக்குநர் அஷ்வத் மாரிமுத்து, இசையமைப்பாளர் லியோன் ஜேம்ஸ் ஆகியோர் இடம்பெற்றிருந்தனர். இந்த ப்ரோமோ வீடியோ பலரது கவனத்தையும் ஈர்த்தது.
இந்நிலையில் நேற்று அதிகாலை இந்த பாடலின் இறுதிகட்ட பணிகளில் இசையமைப்பாளர் லியோன் ஜேம்ஸ் ஈடுபட்டிருந்த போது அவரது தந்தை இறந்துவிட்டதாக இயக்குநர் அஷ்வத் மாரிமுத்து தனது எக்ஸ் தளத்தில் பகிர்ந்து இந்த பாடலை வெளியிட்டுள்ளார்.
அந்த பதிவில், “நேற்று அதிகாலையில், பாடலின் இறுதிகட்ட பணிகள் நடைபெற்றுக் கொண்டிருந்தபோது, லியோனின் தந்தை காலமானார். எங்களுக்கு இது அதிர்ச்சியாக இருந்தது. பாடல் வெளியீட்டைத் தள்ளி வைக்கலாம் என லியோனிடம் கூறினேன். ஆனால் அவர் இல்லை, உறுதியளித்த நேரத்திற்கு நாம் பாடலை வெளியிட வேண்டும் என கூறினார். அது என்னை உணர்ச்சிகரமான நிலைக்கு கொண்டு சென்றது.
Leon’s father passed away yesterday early morning as the final mix of the song was happening . It was a shock ! I asked him if we can push the song release but he said no Macha let’s stick to the ‘TIME’ that we have promised . It was very emotional for us ! He was mixing the… pic.twitter.com/Ie5yLwZHyy
— Ashwath Marimuthu (@Dir_Ashwath) January 28, 2025
லியோன் தனது அறையில் பாடலின் இறுதி மிக்ஸிங் பணிகளை மேற்கொண்டபடியே, ஹாலில் தனது தந்தையின் இறுதி நிகழ்வுகளை பார்த்துக் கொண்டார். இதனை நான் தயாரிப்பு நிறுவனத்திடமும் மற்றவர்களிடமும் தெரியப்படுத்தவில்லை. இது நேரத்திற்கும் ரசிகர்களுக்கும் அவர் காட்டும் மரியாதையாக பார்க்கிறேன். ‘ஏன்டி விட்டு போன’ பாடலை லியோனின் தந்தைக்கு அர்ப்பணிக்கிறேன்” என பகிர்ந்துள்ளார்.
இந்த பதிவை லியோன் ஜேம்ஸ் பகிர்ந்து, “யாரும் எனக்காக நிற்காத போது நீதான் நின்றிருக்கிறாய், உனது வாக்குறுதியை சரியான நேரத்திற்கு நிறைவேற்றுவது என்னுடைய பொறுப்பு. இந்த பாடலைப் பாடியதற்கு சிலம்பரசனுக்கு நன்றி” என பதிவிட்டிருந்தார். இயக்குநர் அஷ்வத் மாரிமுத்து எக்ஸ் தளத்தில் எழுதியிருந்த பதிவை நடிகர் சிலம்பரசனும் பகிர்ந்துள்ளார்.
You stood for me when nobody did macha, it was my responsibility to keep up ur promise 🤗
— Leon James (@leon_james) January 28, 2025
Thank you for singing @SilambarasanTR_ sir ! You were phenomenal 🔥
Hope you all like it 🙏🏼 https://t.co/Ug3h2SVl06
இதையும் படிங்க: தள்ளிப்போன சிவகார்த்திகேயன் பட அறிவிப்பு டீசர்...
இப்படத்தில் இருந்து ஏற்கனவே 'ரைஸ் ஆப் தி டிராகன்' மற்றும் 'வழித்துணையே' ஆகிய பாடல்கள் வெளியாகி மக்களிடையே நல்ல வரவேற்பை பெற்றுள்ளது. ஏ.ஜி.எஸ். தயாரிக்கும் இப்படத்தில் பிரதீப் ரங்கநாதன், கே.எஸ். ரவிக்குமார், கௌதம் வாசுதேவ் மேனன், மிஷ்கின், அனுபமா பரமேஸ்வரன், கயடு லோஹர் உள்ளிட்ட பலர் நடிக்கின்றனர். டிராகன் திரைப்படமானது பிப்ரவரி 21ஆம் தேதி வெளியாகவுள்ளது
— Silambarasan TR (@SilambarasanTR_) January 28, 2025
