சென்னை: இயக்குநர் ஆனந்த கிருஷ்ணன் இயக்கத்தில், மெட்ரோ சிரிஷ், பாபி சிம்ஹா, யோகி பாபு உள்ளிட்ட பலர் நடிக்கும் திரைப்படம் நான் வயலன்ஸ் படம் விரைவில் திரையரங்குகளில் வெளியாகிறது. ஏ.கே.பிக்சர்ஸ் நிறுவனம் சார்பில் தயாரிப்பாளர் லேகா தயாரிப்பில், மெட்ரோ பட இயக்குநர் ஆனந்த கிருஷ்ணன் இப்படத்தை இயக்கியுள்ளார். 90களின் மதுரை மாநகரைச் சுற்றி, இப்படத்தின் கதை அமைக்கப்பட்டுள்ளது.
இயக்குநர் ஆனந்த கிருஷ்ணன் 1990-களில் மதுரையின் சிறைக்குள் நடக்கும் பெரும்பாலான சம்பவங்களை மையமாக வைத்து திரைக்கதையை உருவாக்கியுள்ளார். மெட்ரோ, கோடியில் ஒருவன் படங்களைத் தொடர்ந்து. இயக்குநர் ஆனந்த கிருஷ்ணன் இயக்கத்தில் இப்படமும் ஹாட்ரிக் வெற்றியை பெறும் என எதிர்பார்க்கப்படுகிறது.
மேலும் இப்படத்தில் அதிதி பாலன், கருட ராம், ஆதித்யா கதிர் ஆகியோர் முக்கிய கதாபாத்திரங்களில் நடித்துள்ளனர். இப்படத்தின் படப்பிடிப்பு பணிகள் இறுதிக் கட்டத்தை நெருங்கி உள்ளன. எனவே, விரைவில் டீசர், டிரெய்லர் பற்றிய விவரங்கள் அதிகாரப்பூர்வமாக அறிவிக்கப்படும். நான் வயலன்ஸ் தமிழ், தெலுங்கு, மலையாளம், கன்னடம், இந்தி ஆகிய மொழிகளில் வெளியாக இருக்கிறது.
இதையும் படிங்க: இயக்குநர் அவதாரம் எடுக்கும் பிரபல மலையாள நடிகர்... படத்தின் ஃபர்ஸ்ட் லுக்கை பகிர்ந்த சிம்பு! - Pani Movie First Look
