'காந்தாரா ஏ லெஜண்ட் சாப்டர் 1': ரிலீஸ் எப்போ தெரியுமா?

நடிகர் ரிஷப் ஷெட்டி இயக்கி, நடித்துள்ள 'காந்தாரா ஏ லெஜண்ட் சாப்டர் 1' படம் அடுத்த ஆண்டு அக்டோபர் 2 ஆம் தேதி வெளியாகும் என படக்குழு அறிவித்துள்ளது.

சென்னை : கன்னட சினிமாவில் முன்னணி நடிகராக வலம் வருபவர் நடிகர் ரிஷப் ஷெட்டி. இவர் கடந்த 2022ம் ஆண்டு வெளியான காந்தாரா திரைப்படத்தின் மூலம் மிக பிரபலமானார். அதுமட்டுமின்றி மற்ற மொழிகளிலும் இப்படம் மூலம் இவர் அறியப்பட்டார். மேலும், இப்படத்தை இவரே இயக்கி, நடித்திருந்ததும் குறிப்பிடத்தக்கது.

இத்திரைப்படம் கன்னடம், தமிழ், தெலுங்கு உள்ளிட்ட பல மொழிகளில் வெளியாகி, நாடு முழுவதும் மிகப்பெரிய வரவேற்பைப் பெற்றது. பஞ்சூர்லி தெய்வத்தின் பின்னணி கொண்ட கதையாக உருவாக்கப்பட்டது காந்தாரா. சிறிய பட்ஜெட்டில் உருவாக்கப்பட்ட இத்திரைப்படமானது உலகளவில் வரவேற்பு பெற்று பாக்ஸ் ஆபிஸில் வசூல் சாதனை படைத்தது.

𝐓𝐇𝐄 𝐌𝐎𝐌𝐄𝐍𝐓 𝐇𝐀𝐒 𝐀𝐑𝐑𝐈𝐕𝐄𝐃 🔥
𝐓𝐇𝐄 𝐃𝐈𝐕𝐈𝐍𝐄 𝐅𝐎𝐑𝐄𝐒𝐓 𝐖𝐇𝐈𝐒𝐏𝐄𝐑𝐒 🕉️#KantaraChapter1 Worldwide Grand Release on 𝐎𝐂𝐓𝐎𝐁𝐄𝐑 𝟐, 𝟐𝟎𝟐𝟓.#KantaraChapter1onOct2 #Kantara @shetty_rishab @VKiragandur @hombalefilms @HombaleGroup @ChaluveG… pic.twitter.com/lsaYXQQhtw

— Rishab Shetty (@shetty_rishab) November 17, 2024

கன்னட சினிமாவில் கேஜிஎஃப் படத்திற்கு பிறகு, காந்தாரா திரைப்படம் மிகப்பெரியை வெற்றியை பெற்றுக் கொடுத்ததாக ரசிகர்கள் தரப்பு கூறுகிறது. ஹோம்பாலே ஃபிலிம்ஸ் நிறுவனம் தயாரித்த இத்திரைப்படத்தில் இடம்பெற்றிருந்த 'வராக ரூபம்..'என்ற பாடல் அனைவரின் பாராட்டையும் பெற்றது.

இதனையடுத்து, காந்தாரா திரைப்படத்தின் 100வது நாளில் காந்தாரா 2வது பாகம் தயாரிக்கப்படும் என்ற அறிவிப்பு வெளியானது. அதாவது, Kantara A Legend: Chapter 1 என்ற தலைப்பில் காந்தாரா படத்தின் முன்கதையாக (prequel) உருவாக உள்ளதாக படக்குழு அறிவித்தது.

இதையும் படிங்க : விடுதலை 2ம் பாகத்தில் இருந்து 'தினம் தினமும்' பாடல் வெளியானது!

இப்படத்திற்காக ரூ.200 கோடி பட்ஜெட் ஒதுக்கப்பட்டுள்ளதாகவும் தகவல் வெளியானது. இப்படத்தின் படப்பிடிப்பு பணிகள் கடந்த ஆண்டு நவ 27ம் தேதி பூஜையுடன் தொடங்கியது. இந்நிலையில், படத்திற்கான ரிலீஸ் தேதியை படக்குழுவினர் இன்று ( நவ 17) போஸ்டர் மூலம் அறிவித்துள்ளனர்.

அதன்படி, காந்தாரா ஏ லெஜண்ட்: சாப்டர் 1 என்ற படமானது அடுத்த ஆண்டு அக் 2ம் தேதி வெளியாகும் என படக்குழு அறிவித்துள்ளது. மேலும், ஏழு மொழிகளில் படம் வெளியாக இருப்பதால், படக்குழுவினர் ஏழு மொழி போஸ்டரை வெளியிட்டுள்ளனர்.

இந்த அறிவிப்பானது ரசிகர்கள் மத்தியில் பெரும் மகிழ்ச்சியை ஏற்படுத்தி உள்ளது. மேலும், காந்தாரா 3ம் பாகமும் உருவாக இருப்பதாகவும், அதற்கான படப்பிடிப்பு பணிகளை 2ம் பாகத்துடன் சேர்த்து படமாக எடுக்க படக்குழு திட்டமிட்டு இருப்பதாகவும் தகவல் வெளியாகி உள்ளது.

ஈடிவி பாரத் தமிழ்நாடு (Credits - ETV Bharat Tamil Nadu)

ஈடிவி பாரத் வாட்ஸ்அப் சேனலில் இணைய இங்கே கிளிக் செய்யவும்