டெல்லி: நடைபெற்று முடிந்த நாடாளுமன்ற மக்களவைத் தேர்தலில் மொத்தமுள்ள 543 இடங்களில் 293 இடங்களில் பாஜக தலைமையிலான தேசிய ஜனநாயக கூட்டணி வெற்றி பெற்றது. இதன் மூலம் மூன்றாவது முறையாக என்டிஏ கூட்டணி ஆட்சியை தக்க வைத்தது. இதனையடுத்து, தொடர்ந்து மூன்றாவது முறையாக நரேந்திர மோடி பிரதமராக பதவியேற்றார்.
அதேநேரம், 234 இடங்களில் இந்தியா கூட்டணி கட்சி வெற்றி பெற்றது. இந்த நிலையில், நேற்று முதல் கூடிய 18வது மக்களவையின் முதல் கூட்டத்தில் தற்காலிக சபாநாயகர் பர்த்ஹருளி மஹ்தாப் பிரதமர், மத்திய அமைச்சர்கள் மற்றும் மக்களவை உறுப்பினர்களுக்கு பதவிப் பிரமாணம் செய்து வைத்தார். தொடர்ந்து, இன்றும் திமுக மக்களவை உறுப்பினர்கள் உள்பட பலருக்கும் மக்களவை உறுப்பினராக பதவிப் பிரமாணம் செய்து வைத்தார்.
இந்த நிலையில், மக்களவை எதிர்கட்சித் தலைவராக ராகுல் காந்தி தேர்வு செய்யப்பட்டுள்ளதாக காங்கிரஸ் மூத்த தலைவர் சோனியா காந்தி மக்களவையின் தற்காலிக சபாநாயகர் பர்த்ஹருளி மஹ்தாப்-க்கு கடிதம் எழுதியுள்ளார். இது தொடர்பான முடிவு, காங்கிரஸ் தலைவர் மல்லிகார்ஜூன கார்கே இல்லத்தில் நடைபெற்ற இந்தியா கூட்டணி தலைவர்கள் கூட்டத்தில் எடுக்கப்பட்டுள்ளது.
CPP Chairperson Smt. Sonia Gandhi ji has written to the Pro-Tem Speaker informing him that Sh. @RahulGandhi ji is appointed as the Leader of Opposition in the Lok Sabha.
— K C Venugopal (@kcvenugopalmp) June 25, 2024
We are confident that as LOP, Rahul ji will be a bold voice for the common people of India and ensure that… pic.twitter.com/sykZF3IcGv
மேலும், இது தொடர்பாக காங்கிரஸ் மூத்த தலைவர் கே.சி.வேணுகோபால் செய்தியாளர்களிடம் கூறுகையில், “மக்களவையின் எதிர்கட்சித் தலைவராக ராகுல் காந்தி நியமிக்கப்பட்டுள்ளதாக மக்களவை தற்காலிக சபாநாயகர் சபாநாயகர் பர்த்ஹருளி மஹ்தாப்-க்கு நாடாளுமன்ற காங்கிரஸ் தலைவர் சோனியா காந்தி கடிதம் எழுதியுள்ளார். இதர நியமனங்கள் பின்னர் முடிவெடுக்கப்படும்” எனத் தெரிவித்தார். மேலும், ரேபரேலி தொகுதி எம்பியான ராகுல் காந்தி இன்று மக்களவை உறுப்பினராக பதவியேற்றுக் கொண்டார்.
#INDIA welcomes my dear brother @RahulGandhi to his new role!
— M.K.Stalin (@mkstalin) June 25, 2024
May his voice continue to roar strongly in the House of the People (Lok Sabha). https://t.co/adofwUuErr pic.twitter.com/yrvVlXEbH6
இந்த நிலையில், இது தொடர்பாக முதலமைச்சர் மு.க.ஸ்டாலின் தனது சமூக வலைத்தளப் பக்கத்தில், “என் அன்பு சகோதரர் ராகுல் காந்தியின் புதிய தோற்றத்தை இந்தியா வரவேற்கிறது. அவரது குரல் மக்கள் மன்றத்தில் (மக்களவை) தொடர்ந்து பலமாக ஒலிக்கட்டும்” எனத் தெரிவித்துள்ளார்.
இதையும் படிங்க: முதல்முறையாக சபாநாயகர் பதவிக்கு தேர்தல்.. காங்கிரஸ் - பாஜக இடையே கடும் போட்டி! யாருக்கு வாய்ப்பு சாத்தியம்?
