மும்பை: தொழிலதிபர் முகேஷ் அம்பானி- நீடா அம்பானி ஜோடியின் மகன் அனந்த் அம்பானி - ராதிகா மெர்ச்சன்ட் இணையின் திருமணம் வரும் 12ஆம் தேதி நடைபெற திட்டமிடப்பட்டு உள்ளது. திருமணத்தை முன்னிட்டு கடந்த மூன்று மாதங்களாக ப்ரீ வெட்டிங் கொண்டாட்டங்களில் திருமண வீட்டார் ஈடுபட்டுள்ளனர்.
இந்நிலையில், அனந்த் அம்பானி - ராதிக மெர்ச்சன்ட் இணையின் திருமணத்திற்கு முன்பாக சமூகம் மற்றும் பொருளாதாரத்தில் பின்தங்கிய 50 ஜோடிகளுக்கு முகேஷ் அம்பானி - நீடா அம்பானி இலவசமாக திருமணம் நடத்தியுள்ளனர். மகாராஷ்டிரா மாநிலம் பால்கர் பகுதியில் இந்த திருமண விழா வெகு விமரிசையாக நடைபெற்றது.
மும்பையில் உள்ள ரிலையன்ஸ் கார்ப்பரேட் பூங்காவில் நடைபெற்ற இந்த விழாவில், மணமக்கள் குடும்பத்தை சேர்ந்த 800க்கும் அதிகமானோர் கலந்து கொண்டனர். தொடர்ந்து இது போன்ற திருமண நிகழ்ச்சிகளை நடத்தப் போவதாக முகேஷ் மற்றும் நீடா அம்பானி உறுதி அளித்துள்ளனர். இந்த நிகழ்வில் முகேஷ் அம்பானியின் குடும்பத்தினரும் கலந்து கொண்டு மணமக்களை வாழ்த்தினர்.
