ਸ੍ਰੀ ਦਰਬਾਰ ਸਾਹਿਬ ਵਿਚ ਮੌਜੂਦ ਬੁੰਗਾ ਮਜ਼੍ਹਬੀ ਸਿੰਘਾਂ ਨੂੰ ਮੁਰੰਮਤ ਲਈ ਨਿਹੰਗ ਸਿੰਘ ਜਥੇਬੰਦੀਆਂ ਨੇ ਐੱਸਜੀਪੀਸੀ ਅੱਗੇ ਕੀਤੀ ਅਪੀਲ

ਅੰਮ੍ਰਿਤਸਰ: ਪਿਛਲੇ ਦਿਨੀਂ ਐੱਸਜੀਪੀਸੀ ਵੱਲੋਂ ਸ੍ਰੀ ਦਰਬਾਰ ਸਾਹਿਬ ਸਥਿਤ ਬੁੰਗਾ ਰਾਮਗੜ੍ਹੀਆ ਦੀ ਦੁਬਾਰਾ ਮੁਰੰਮਤ ਦੇ ਕਾਰਜ ਸ਼ੁਰੂ ਕੀਤੇ ਗਏ। ਜਿਸ ਤੋਂ ਬਾਅਦ ਹੁਣ ਨਿਹੰਗ ਸਿੰਘ ਜਥੇਬੰਦੀਆਂ ਵੱਲੋਂ ਪ੍ਰੈੱਸ ਕਾਨਫ਼ਰੰਸ ਕਰ ਕੇ ਉਸ ਨਾਲ ਸਥਿਤ ਬੁੰਗਾ ਮਜ਼੍ਹਬੀ ਸਿੰਘਾਂ ਦੀ ਵੀ ਮੁਰੰਮਤ ਲਈ ਐੱਸਜੀਪੀਸੀ ਅੱਗੇ ਅਪੀਲ ਕੀਤੀ ਗਈ। ਨਿਹੰਗ ਸਿੰਘ ਜਥੇਬੰਦੀਆਂ ਦੇ ਆਗੂ ਦਵਿੰਦਰ ਸਿੰਘ ਨੇ ਮੰਗ ਕੀਤੀ ਹੈ ਕਿ ਸ੍ਰੀ ਦਰਬਾਰ ਸਾਹਿਬ ਵਿਚ ਮਜ੍ਹਬੀ ਸਿੰਘਾਂ ਦਾ ਬੁੰਗਾ ਦੀ ਮੁਰੰਮਤ ਕੀਤੀ ਜਾਵੇ।ਸਰਕਾਰ ਨੂੰ ਅਪੀਲ ਕੀਤੀ ਹੈ ਕਿ 2022 ਦੀ ਚੋਣ ਤੋਂ ਪਹਿਲਾਂ ਮਜ੍ਹਬੀ ਸਿੰਘਾਂ ਦਾ ਬੁੰਗੇ ਦੀ ਮੁਰੰਮਤ ਕੀਤੀ ਜਾਵੇ ਅਤੇ ਨਾਲ ਹੀ ਕਿਹਾ ਅਸੀਂ ਜਲਦੀ ਹੀ ਐਸਜੀਪੀਸੀ ਦੇ ਪ੍ਰਧਾਨ ਨੂੰ ਆਪਣਾ ਮੰਗ ਪੱਤਰ ਵੀ ਦੇਵਾਂਗੇ।