ਕੁਲਭੂਸ਼ਣ ਹੀ ਨਹੀਂ ਸਾਰੇ ਭਾਰਤੀ ਕੈਦੀਆਂ ਨੂੰ ਪਾਕਿ ਜੇਲ੍ਹ 'ਚ ਦਬਾਅ ਵਿੱਚ ਰੱਖਿਆ ਜਾਂਦੈ: ਦਲਬੀਰ ਕੌਰ

ਪਾਕਿਸਤਾਨ ਦੀ ਜੇਲ੍ਹ ਵਿੱਚ ਕੈਦ ਭਾਰਤੀ ਕੁਲਭੂਸ਼ਣ ਯਾਧਵ ਦੇ ਨਾਲ ਭਾਰਤ ਦੇ ਡਿਪਟੀ ਹਾਈ ਕਮਿਸ਼ਨਰ ਗੌਰਵ ਆਲੂਵਾਲੀਆ ਨੇ ਸੋਮਵਾਰ ਨੂੰ ਮੁਲਾਕਾਤ ਕੀਤੀ। ਇਸ ਤੋਂ ਬਾਅਦ ਉਨ੍ਹਾਂ ਕਿਹਾ ਸੀ ਕਿ ਕੁਲਭੂਸ਼ਣ ਇਸ ਸਮੇਂ ਕਾਫ਼ੀ ਦਬਾਅ ਵਿੱਚ ਹੈ। ਇਸ ਤੇ ਪਾਕਿਸਤਾਨ ਦੀ ਜੇਲ੍ਹ ਵਿੱਚ ਸ਼ਹੀਦ ਹੋਏ ਸਰਬਜੀਤ ਸਿੰਘ ਦੀ ਭੈਣ ਦਲਬੀਰ ਕੌਰ ਦਾ ਬਿਆਨ ਆਇਆ ਹੈ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਪਾਕਿਸਤਾਨ ਦੀ ਜੇਲ੍ਹ ਵਿੱਚ ਕੈਦ ਕੁਲਭੂਸ਼ਣ ਯਾਦਵ ਹੀ ਨਹੀਂ ਜਿੰਨੇ ਵੀ ਭਾਰਤੀ ਕੈਦੀ ਹਨ ਸਭ ਨੂੰ ਦਬਾਅ ਵਿੱਚ ਰੱਖਿਆ ਜਾਂਦਾ ਹੈ। ਕੈਦੀਆਂ ਨੂੰ ਛੱਡਣ ਦਾ ਲਾਲਚ ਦੇ ਕੇ ਉਹ ਉਨ੍ਹਾਂ ਨੂੰ ਡਰਾ-ਧਮਕਾ ਕੇ ਉਨ੍ਹਾਂ ਤੋਂ ਜੋ ਚਾਹੁੰਦਾ ਹੈ ਉਹ ਕਰਵਾਉਂਦਾ ਹੈ।