ਲੁਧਿਆਣਾ 'ਚ 279 ਲੋਕਾਂ ਦੇ ਕੀਤੇ ਗਏ ਕੋਵਿਡ -19 ਟੈਸਟ, 26 ਲੋਕ ਜਮਾਤੀਆਂ ਨਾਲ ਸਬੰਧਤ

ਲੁਧਿਆਣਾ: ਕੋਰੋਨਾ ਵਾਇਰਸ ਨਾਲ ਸਬੰਧਤ ਮਾਮਲਿਆਂ ਦੀ ਜਾਣਕਾਰੀ ਦਿੰਦੇ ਹੋਏ ਡਿਪਟੀ ਕਮਿਸ਼ਨਰ ਪ੍ਰਦੀਪ ਅਗਰਵਾਲ ਨੇ ਦੱਸਿਆ ਕਿ ਹੁਣ ਤੱਕ ਸ਼ਹਿਰ 'ਚ 279 ਲੋਕਾਂ ਦੇ ਕੋਰੋਨਾ ਟੈਸਟ ਕਰਵਾਏ ਗਏ ਹਨ। ਇਨ੍ਹਾਂ ਚੋਂ 195 ਟੈਸਟ ਨੈਗਟਿਵ ਆਏ ਹਨ। ਕੋਵਿਡ-19 ਦੇ ਟੈਸਟ ਕਵਾਉਣ ਵਾਲਿਆਂ 'ਚ 26 ਅਜਿਹੇ ਲੋਕ ਸ਼ਾਮਲ ਹਨ ਜੋ ਕਿ ਨਿਜ਼ਾਮੂਦੀਨ ਮਰਕਜ਼ ਜਮਾਤੀ ਵਰਗ ਨਾਲ ਸਬੰਧਤ ਸਨ। ਇਸ ਤੋਂ ਇਲਾਵਾ ਡੀਸੀ ਨੇ ਜ਼ਿਲ੍ਹਾ ਪ੍ਰਸ਼ਾਸਨ ਵੱਲੋਂ ਕਰਫਿਊ ਦੇ ਦੌਰਾਨ ਨਵੀਂ ਜਾਰੀ ਕੀਤੇ ਗਏ ਆਦੇਸ਼ ਬਾਰੇ ਜਾਣਕਾਰੀ ਦਿੱਤੀ ਗਈ।