ਸੰਯੁਕਤ ਕਿਸਾਨ ਮੋਰਚੇ ਦੇ ਆਈਟੀ ਸੈੱਲ ਦੇ ਇੰਚਾਰਜ ਨੇ ਦੱਸੀਆਂ ਅਹਿਮ ਗੱਲਾਂ

ਗੁਰਦਾਸਪੁਰ: ਸ਼ੋਸਲ ਮੀਡਿਆ ਉੱਤੇ ਕਿਸਾਨਾਂ ਦੇ ਖ਼ਿਲਾਫ਼ ਗ਼ਲਤ ਪ੍ਰਚਾਰ ਕਰਨ ਵਾਲੇ ਲੋਕਾਂ ਨੂੰ ਜਵਾਬ ਦੇਣ ਲਈ ਸੰਯੁਕਤ ਕਿਸਾਨ ਮੋਰਚੇ ਨੇ ਆਪਣਾ ਆਈਟੀ ਸੈਲ ਸ਼ੁਰੂ ਕੀਤਾ। ਇਸ ਆਈਟੀ ਸੈਲ ਨੂੰ ਦਿੱਲੀ ਤੋਂ ਹੀ ਚਲਾਇਆ ਜਾ ਰਿਹਾ ਹੈ। ਆਈਟੀ ਸੈਲ ਨੂੰ ਚਲਾ ਰਹੇ ਗੁਰਦਾਸਪੁਰ ਦੇ ਪਿੰਡ ਆਲਮਾ ਦੇ ਨੌਜਵਾਨ ਨੇ ਦੱਸਿਆ ਕਿ ਕੁੱਝ ਲੋਕ ਕਿਸਾਨੀ ਸੰਘਰਸ਼ ਨੂੰ ਬਦਨਾਮ ਕਰਨ ਲਈ ਫੰਡ ਦੀ ਮੰਗ ਕਰ ਰਹੇ ਹਨ ਪਰ ਸੰਯੁਕਤ ਕਿਸਾਨ ਮੋਰਚੇ ਦੀ ਸੈਲ ਕਿਸੇ ਫੰਡ ਤੋਂ ਨਹੀਂ ਚਲ ਰਿਹਾ। ਬਲਜੀਤ ਸਿੰਘ ਨੇ ਕਿਹਾ ਕਿ ਲੋਕਾਂ ਵੱਲੋਂ ਕਿਹਾ ਜਾ ਰਿਹਾ ਹੈ ਕਿ ਉਨ੍ਹਾਂ ਦੇ ਆਈਟੀ ਸੈਲ ਦਾ ਸਰਵਰ ਕਨੇਡਾ ਤੋਂ ਚੱਲ ਰਿਹਾ ਹੈ ਉਸ ਵਿੱਚ ਕੋਈ ਸਚਾਈ ਨਹੀਂ ਹੈ। ਉਹ ਆਪਣੇ ਆਈਟੀ ਸੈਲ ਦੇ ਤਮਾਮ ਸੋਸ਼ਲ ਮੀਡਿਆ ਹੇਂਡਲਸ ਨੂੰ ਜਾਂ ਤਾਂ ਦਿੱਲੀ ਬਾਰਡਰ ਤੋਂ ਚਲਾ ਰਹੇ ਹਨ ਜਾਂ ਫਿਰ ਪੰਜਾਬ - ਹਰਿਆਣਾ ਜਾਂ ਯੂਪੀ ਤੋਂ ਆਪਰੇਟ ਕਰ ਰਹੇ ਹਨ।