ਅੰਮ੍ਰਿਤਸਰ ’ਚ 70 ਸਾਲ ਦੀ ਬਜ਼ੁਰਗ ਬਣਾ ਰਹੀ ਕਿਸਾਨੀ ਸੰਘਰਸ਼ ਦੇ ਝੰਡੇ

ਅੰਮ੍ਰਿਤਸਰ: ਦਿੱਲੀ ਕਿਸਾਨੀ ਸੰਘਰਸ਼ ’ਚ ਹਰ ਵਰਗ ਦੇ ਇਨਸਾਨ ਵੱਲੋਂ ਕਿਸਾਨਾਂ ਦੀ ਹਮਾਇਤ ਵਿੱਚ ਆਪਣਾ ਯੋਗਦਾਨ ਪਾਇਆ ਜਾ ਰਿਹਾ ਹੈ। ਇਸੇ ਦੇ ਚੱਲਦੇ ਅੰਮ੍ਰਿਤਸਰ ਦੀ ਤਾਂ 70 ਸਾਲ ਦੀ ਬਜ਼ੁਰਗ ਅਵਤਾਰ ਕੌਰ ਵੱਲੋਂ ਵੀ ਕਿਸਾਨੀ ਸੰਘਰਸ਼ ਦੀਆਂ ਝੰਡੀਆਂ ਬਣਾ ਕੇ ਆਪਣਾ ਯੋਗਦਾਨ ਪਾਇਆ ਜਾ ਰਿਹਾ ਹੈ। ਮਾਤਾ ਅਵਤਾਰ ਕੌਰ ਨੇ ਦੱਸਿਆ ਕਿ ਉਹ ਸਰੀਰਕ ਤੌਰ ’ਤੇ ਦਿੱਲੀ ਕਿਸਾਨੀ ਮੋਰਚੇ ’ਚ ਨਹੀਂ ਜਾ ਸਕੇ ਪਰ ਰੂਹ ਅੱਜ ਵੀ ਉਨ੍ਹਾਂ ਦੀ ਦਿੱਲੀ ਕਿਸਾਨੀ ਸੰਘਰਸ਼ ਵਿੱਚ ਹੀ ਹੈ। ਜਦੋਂ ਉਨ੍ਹਾਂ ਨੂੰ ਪਤਾ ਚਲਿਆ ਕਿ ਉੱਥੇ ਕਿਸਾਨੀ ਝੰਡੇ ਦੀ ਘਾਟ ਪੈ ਰਹੀ ਹੈ ਤਾਂ ਉਨ੍ਹਾਂ ਨੇ ਆਪਣੇ ਪਰਿਵਾਰ ਦੇ ਸਹਿਯੋਗ ਨਾਲ ਕਿਸਾਨੀ ਸੰਘਰਸ਼ ਦੀਆਂ ਝੰਡੀਆਂ ਬਣਾਉਣੀਆਂ ਸ਼ੁਰੂ ਕਰ ਦਿੱਤੀਆਂ। ਇਸ ਤੋਂ ਇਲਾਵਾ ਉਨ੍ਹਾਂ ਨੇ ਇਹ ਵੀ ਕਿਹਾ ਕਿ ਜਿਨ੍ਹੀ ਦੇਰ ਤੱਕ ਇਹ ਕਿਸਾਨੀ ਸੰਘਰਸ਼ ਚੱਲਦਾ ਰਹੇਗਾ ਉਨ੍ਹੀ ਦੇਰ ਤੱਕ ਉਹ ਸੰਘਰਸ਼ ਚ ਆਪਣਾ ਹਿੱਸਾ ਪਾਉਂਦੇ ਰਹਿਣਗੇ।