ਕੌਂਸਲ ਚੋਣਾਂ ਦੌਰਾਨ ਕੈਪਟਨ ਸਰਕਾਰ ਵਿਰੁੱਧ ਭੁਗਤੇਗੀ ਸਾਂਝਾ ਮੁਲਾਜ਼ਮ ਯੂਨੀਅਨ

ਚੰਡੀਗੜ੍ਹ: ਸ਼ਹਿਰ 'ਚ ਸਾਂਝਾ ਮੁਲਾਜ਼ਮ ਯੂਨੀਅਨ ਵੱਲੋਂ ਪੰਜਾਬ ਸਰਾਕਰ ਖਿਲਾਫ ਰੋਸ ਪ੍ਰਦਰਸ਼ਨ ਕੀਤਾ ਗਿਆ। ਇਸ ਮੌਕੇ ਪ੍ਰਦਰਸ਼ਨਕਾਰੀਆਂ ਨੇ ਪੰਜਾਬ ਦੀ ਕੈਪਟਨ ਸਰਕਾਰ ਖਿਲਾਫ ਜੰਮ ਕੇ ਨਾਅਰੇਬਾਜ਼ੀ ਕੀਤੀ। ਪ੍ਰਦਰਸ਼ਨਕਾਰੀਆਂ ਨੇ ਕਿਹਾ ਜਦੋਂ ਤੋਂ ਸੂਬੇ 'ਚ ਕੈਪਟਨ ਸਰਕਾਰ ਨੇ ਸੱਤਾ ਸਾਂਭੀ, ਉਹ ਉਦੋਂ ਤੋਂ ਹੀ ਆਪਣੀ ਹੱਕੀ ਮੰਗਾਂ ਲਈ ਧਰਨੇ ਕਰ ਰਹੇ ਹਨ। ਸਰਕਾਰ ਦੇ ਲਾਰੇਬਾਜ਼ੀ ਦੇ ਰਵੱਈਏ ਨੂੰ ਵੇਖਦੇ ਹੋਏ ਉਨ੍ਹਾਂ ਨਗਰ ਕੌਂਸਲ ਚੋਣਾਂ ਦੌਰਾਨ ਕੈਪਟਨ ਸਰਕਾਰ ਤੇ ਅਕਾਲੀ ਦਲ ਖਿਲਾਫ ਭੁਗਤਾਨ ਕਰਨ ਦਾ ਐਲਾਨ ਕੀਤਾ ਹੈ। ਉਨ੍ਹਾਂ ਆਖਿਆ ਕਿ ਲੰਬੇ ਸਮੇਂ ਤੋਂ ਤਨਖਾਹਾਂ, ਡੀਏ ਦੀਆਂ ਕਿਸ਼ਤਾਂ ਤੇ ਕੱਚੇ ਮੁਲਾਜ਼ਮਾਂ ਨੂੰ ਪੱਕੇ ਨਾ ਕੀਤੇ ਜਾਣ ਕਾਰਨ ਉਹ ਮੁਸ਼ਕਲ ਨਾਲ ਜੀਵਨ ਬਤੀਤ ਕਰ ਰਹੇ ਹਨ।