Elephant Attacking Safari Vehicles: ਜੰਗਲੀ ਹਾਥੀ ਨੇ ਸਫਾਰੀ ਵਾਹਨਾਂ 'ਤੇ ਕੀਤਾ ਹਮਲਾ, ਵਾਲ-ਵਾਲ ਬਚੇ ਸੈਲਾਨੀ

ਮੈਸੂਰ: ਜ਼ਿਲ੍ਹੇ ਦੇ ਨਾਗਰਹੋਲ ਜੰਗਲ ਵਿੱਚ ਇੱਕ ਜੰਗਲੀ ਹਾਥੀ ਵੱਲੋਂ ਸਫਾਰੀ ਵਾਹਨਾਂ 'ਤੇ ਹਮਲਾ ਕਰਨ ਦੀ ਘਟਨਾ ਵਾਪਰੀ ਹੈ। ਇਹ ਸਾਰੀ ਘਟਨਾ ਦੀ ਵੀਡੀਓ ਸਫ਼ਾਰੀ 'ਤੇ ਗਏ ਇੱਕ ਸੈਲਾਨੀ ਦੇ ਮੋਬਾਈਲ ਵਿੱਚ ਕੈਦ ਹੋ ਗਈ। ਇਸ ਵੀਡੀਓ 'ਚ ਸੜਕ ਦੇ ਕਿਨਾਰੇ ਖੜ੍ਹੇ ਹਾਥੀ ਅਚਾਨਕ ਸਾਹਮਣੇ ਤੋਂ ਆ ਰਹੇ ਹਨ ਤੇ ਸਫਾਰੀ ਗੱਡੀ 'ਤੇ ਹਮਲਾ ਕਰਨਾ ਸ਼ੁਰੂ ਕਰ ਦਿੱਤਾ ਅਤੇ ਸਫਾਰੀ ਗੱਡੀ ਦੇ ਡਰਾਈਵਰ ਨੇ ਆਪਣੀ ਗੱਡੀ ਨੂੰ ਭਜਾ ਲਿਆ ਤੇ ਫਿਰ ਹਾਥੀ ਨੇ ਥੋੜ੍ਹੀ ਦੂਰ ਪਿੱਛਾ ਕੀਤਾ ਅਤੇ ਵਾਪਸ ਆ ਗਿਆ। ਇਸ ਦੌਰਾਨ ਜੰਗਲੀ ਹਾਥੀ ਨੇ ਸਫਾਰੀ ਗੱਡੀ ਨੂੰ ਦੂਜੇ ਪਾਸਿਓਂ ਆਉਂਦੇ ਦੇਖਿਆ। ਇੱਕ ਸੈਲਾਨੀ ਨੇ ਇਹ ਸਾਰੀ ਘਟਨਾ ਆਪਣੇ ਮੋਬਾਈਲ ਫੋਨ ਵਿੱਚ ਕੈਦ ਕਰ ਲਈ। ਉਸ ਸਮੇਂ ਗੱਡੀ 'ਚ ਸਵਾਰ ਸੈਲਾਨੀ ਹੈਰਾਨ ਰਹਿ ਗਏ, ਬਾਅਦ ਵਿੱਚ ਹਾਥੀ ਜੰਗਲ ਵਿੱਚ ਚਲਾ ਗਿਆ।