ਬਿਜਲੀ ਦਾ ਖੰਭਾ ਲਗਾਉਣ ਨੂੰ ਲੈ ਕੇ ਦੋ ਧਿਰਾਂ ਭਿੜੀਆਂ, 3 ਜ਼ਖਮੀ

ਅੰਮ੍ਰਿਤਸਰ ਦੇ ਪੁਲਿਸ ਥਾਣਾ ਹੇਰ ਕੰਬੋਅ ਦੇ ਖੇਤਰ ਸੋਹੀਆਂ ਖੁਰਦ ਬਟਾਲਾ ਵਿਖੇ ਬਿਜਲੀ ਦਾ ਖੰਭਾ ਲਗਾਉਣ ਨੂੰ ਲੈ ਕੇ ਦੋ ਧਿਰਾਂ ਵਿੱਚ ਤਕਰਾਰ ਬਾਜ਼ੀ ਹੋਈ। ਦੋਹਾਂ ਧਿਰਾਂ ਵਿਚਾਲੇ ਹੋਈ ਲਈ ਲੜਾਈ ਵਿੱਚ ਇਕ ਔਰਤ ਸਮੇਤ ਤਿੰਨ ਵਿਅਕਤੀਆਂ ਦੇ ਜ਼ਖਮੀ ਹੋਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਇਹ ਲੜਾਈ ਬਿਜਲੀ ਦਾ ਖੰਭਾ ਲਗਾਉਣ ਪਿੱਛੇ ਹੋਈ। ਖੰਭਾ ਲਗਾਉਣ ਲਈ ਪਹੁੰਚੇ ਪ੍ਰਾਈਵੇਟ ਕਰਮਚਾਰੀ ਜੈਮਲ ਸਿੰਘ ਨੇ ਕਿਹਾ ਕਿ ਅੰਗਰੇਜ਼ ਸਿੰਘ ਨੇ ਉਸ ਨੂੰ ਖੰਭਾ ਲਗਾਉਣ ਤੋਂ ਰੋਕਦੇ ਹੋਏ ਉਸ ਉੱਤੇ ਹਮਲਾ ਕਰ ਦਿੱਤਾ। ਉੱਥੇ ਹੀ ਦੂਜੀ ਧਿਰ ਦੇ ਅੰਗਰੇਜ ਸਿੰਘ ਨੇ ਕਿਹਾ ਕਿ 8 ਲੋਕਾਂ ਨਾਲ ਮਿਲ ਕਿ ਜੈਮਲ ਨੇ ਉਸ ਉੱਤੇ ਹਮਲਾ ਕਰ ਦਿੱਤਾ। ਪੁਲਿਸ ਚੋਂਕੀ ਸੋਹੀਆਂ ਦੇ ਇੰਚਾਰਜ ਪਰਮਜੀਤ ਸਿੰਘ ਨੇ ਕਿਹਾ ਕਿ ਦੋਹਾਂ ਧਿਰਾਂ ਦੀਆਂ ਸਿਕਾਇਤਾਂ ਆਈਆਂ ਹਨ।ਮੈਡੀਕਲ ਰਿਪੋਰਟ ਆਉਣ ਤੋਂ ਬਾਅਦ ਬਣਦੀ ਕਾਰਵਾਈ ਕੀਤੀ ਜਾਵੇਗੀ।