ਮੈਲਬੌਰਨ: ਗੋਲੀਆਂ ਦੇ ਰੂਪ 'ਚ ਇਨਸੁਲਿਨ ਬਣਾਉਣਾ ਵਿਗਿਆਨੀਆਂ ਦਾ ਸੌ ਸਾਲ ਦਾ ਸੁਪਨਾ ਹੈ, ਆਸਟ੍ਰੇਲੀਆ ਦੇ ਖੋਜਕਰਤਾਵਾਂ ਨੇ ਇਸ ਸੁਪਨੇ ਨੂੰ ਪੂਰਾ ਕਰਨ ਦੀ ਦਿਸ਼ਾ ਵਿਚ ਇਕ ਵੱਡਾ ਕਦਮ ਚੁੱਕਿਆ ਹੈ। ਇਹ ਗੋਲੀਆਂ ਦੇ ਵਿਕਾਸ ਲਈ ਨਵੇਂ ਰਾਹ ਖੋਲ੍ਹਦਾ ਹੈ ਜੋ ਟਾਈਪ-1 ਡਾਇਬਟੀਜ਼ ਵਾਲੇ ਲੋਕਾਂ ਨੂੰ ਦਿੱਤੇ ਜਾਣ ਵਾਲੇ ਰੋਜ਼ਾਨਾ ਇਨਸੁਲਿਨ ਟੀਕਿਆਂ ਨੂੰ ਬਦਲ ਸਕਦੀਆਂ ਹਨ।
ਕੀ ਹੈ ਇਨਸੁਲਿਨ: ਇਨਸੁਲਿਨ ਇੱਕ ਕਿਸਮ ਦਾ ਹਾਰਮੋਨ ਹੈ, ਜੋ ਸਰੀਰ ਦੇ ਅੰਦਰ ਕੁਦਰਤੀ ਤੌਰ 'ਤੇ ਪੈਦਾ ਹੁੰਦਾ ਹੈ ਅਤੇ ਖੂਨ ਵਿੱਚ ਗਲੂਕੋਜ਼ ਦੇ ਪੱਧਰ ਨੂੰ ਕੰਟਰੋਲ ਕਰਨ ਦਾ ਕੰਮ ਕਰਦਾ ਹੈ। ਜੇਕਰ ਸਰੀਰ ਦੇ ਅੰਦਰ ਇਨਸੁਲਿਨ ਸਹੀ ਢੰਗ ਨਾਲ ਪੈਦਾ ਨਹੀਂ ਹੁੰਦਾ ਜਾਂ ਇਹ ਆਪਣਾ ਕੰਮ ਸਹੀ ਢੰਗ ਨਾਲ ਨਹੀਂ ਕਰ ਪਾਉਂਦਾ ਤਾਂ ਅਸੀਂ ਸ਼ੂਗਰ ਦੇ ਮਰੀਜ਼ ਬਣ ਸਕਦੇ ਹਾਂ।
ਇਨਸੁਲਿਨ ਬਲੱਡ ਸ਼ੂਗਰ ਦੇ ਪੱਧਰਾਂ ਨੂੰ ਨਿਯੰਤਰਿਤ ਕਰਨ ਲਈ ਲੋੜੀਂਦਾ ਮੁੱਖ ਹਾਰਮੋਨ ਹੈ। ਇਸ ਦੀ ਨਕਲ ਕਰਨ ਵਾਲੇ ਇੱਕ ਵਿਕਲਪਕ ਅਣੂ ਦੀ ਖੋਜ ਮੈਲਬੌਰਨ ਵਿੱਚ ਵਾਲਟਰ ਅਤੇ ਐਲਿਜ਼ਾ ਹਾਲ ਇੰਸਟੀਚਿਊਟ ਆਫ਼ ਮੈਡੀਕਲ ਰਿਸਰਚ ਦੇ ਖੋਜਕਰਤਾਵਾਂ ਡਾ. ਨਿਕੋਲਸ ਕਿਰਕ ਅਤੇ ਪ੍ਰੋਫੈਸਰ ਮਾਈਕ ਲਾਰੈਂਸ ਦੁਆਰਾ ਕੀਤੀ ਗਈ ਸੀ।
ਇਸ ਨਵੀਂ ਖੋਜ ਵਿੱਚ ਵਿਗਿਆਨੀਆਂ ਨੇ ਇੱਕ ਅਣੂ ਦੀ ਪਛਾਣ ਕੀਤੀ ਹੈ ਜੋ ਖੂਨ ਵਿੱਚ ਗਲੂਕੋਜ਼ ਲੈਣ ਦੀ ਪ੍ਰਕਿਰਿਆ ਨੂੰ ਉਤੇਜਿਤ ਕਰਦਾ ਹੈ। ਵਿਗਿਆਨੀ ਗੋਲੀ ਦੇ ਰੂਪ ਵਿੱਚ ਇਨਸੁਲਿਨ ਬਣਾਉਣ ਲਈ ਸਖ਼ਤ ਮਿਹਨਤ ਕਰ ਰਹੇ ਹਨ। ਕਿਉਂਕਿ ਇਨਸੁਲਿਨ ਅਸਥਿਰ ਹੈ, ਇਹ ਪਾਚਣ ਤੋਂ ਬਾਅਦ ਸਰੀਰ ਵਿੱਚ ਆਸਾਨੀ ਨਾਲ ਟੁੱਟ ਜਾਂਦਾ ਹੈ। ਇਸੇ ਕਰਕੇ ਇਨਸੁਲਿਨ ਦੀ ਖੋਜ ਦੇ ਸੌ ਸਾਲ ਬਾਅਦ ਵੀ ਗੋਲੀ ਵਿਕਸਿਤ ਕਰਨਾ ਸੁਪਨਾ ਹੀ ਰਹਿ ਗਿਆ ਹੈ। ਪਰ ਬਹੁਤੀ ਕਾਮਯਾਬੀ ਨਹੀਂ ਮਿਲੀ।
''ਹੁਣ ਅਸੀਂ ਕ੍ਰਾਇਓ-ਇਲੈਕਟ੍ਰੋਨ ਮਾਈਕ੍ਰੋਸਕੋਪੀ ਤਕਨਾਲੋਜੀ ਦੀ ਵਰਤੋਂ ਕਰਦੇ ਹੋਏ ਇੱਕ ਇਨਸੁਲਿਨ-ਉਤਸ਼ਾਹਿਤ ਪੇਪਟਾਇਡ ਦੀ ਪਛਾਣ ਕੀਤੀ ਹੈ। ਇਸ ਨੂੰ ਦਵਾਈ ਵਿੱਚ ਬਦਲਣ ਵਿੱਚ ਸਮਾਂ ਲੱਗਦਾ ਹੈ। ਬਹੁਤ ਜ਼ਿਆਦਾ ਖੋਜ ਕਰਨ ਦੀ ਲੋੜ ਹੈ। ਇਹ ਟਾਈਪ-1 ਸ਼ੂਗਰ ਦਾ ਇਲਾਜ ਗੋਲੀਆਂ ਨਾਲ ਕਰਨ ਦੀ ਕੋਸ਼ਿਸ਼ ਕਰਨ ਵਾਲੇ ਖੋਜਕਰਤਾਵਾਂ ਲਈ ਇੱਕ ਦਿਲਚਸਪ ਖੋਜ ਹੈ ”ਡਾ. ਕਿਰਕ ਨੇ ਕਿਹਾ।
ਇਹ ਵੀ ਪੜ੍ਹੋ:ਠੰਡੇ ਮੌਸਮ ਵਿੱਚ ਜੋੜਾਂ ਦੇ ਦਰਦ ਤੋਂ ਕਿਵੇਂ ਬਚੀਏ, ਜਾਣੋ ਸਾਵਧਾਨੀਆਂ
