ਹੈਦਰਾਬਾਦ: ਜਿੱਥੇ ਇੱਕ ਪਾਸੇ ਮੀਂਹ ਕੜਾਕੇ ਦੀ ਗਰਮੀ ਤੋਂ ਰਾਹਤ ਦੇਣ ਦਾ ਕੰਮ ਕਰਦਾ ਹੈ, ਉੱਥੇ ਹੀ ਦੂਜੇ ਪਾਸੇ ਇਸ ਮੌਸਮ ਵਿੱਚ ਨਮੀ ਕਾਰਨ ਕੀਟਾਣੂਆਂ ਅਤੇ ਬੈਕਟੀਰੀਆ ਦਾ ਖ਼ਤਰਾ ਵੀ ਬਣਿਆ ਰਹਿੰਦਾ ਹੈ। ਇਸ ਮੌਸਮ 'ਚ ਜੇਕਰ ਤੁਸੀਂ ਵੀ ਗਿੱਲੇ ਕੱਪੜਿਆਂ ਨੂੰ ਇਸੇ ਤਰ੍ਹਾਂ ਹੀ ਛੱਡ ਦਿੰਦੇ ਹੋ ਜਾਂ ਧੋਣ ਤੋਂ ਬਾਅਦ ਉਨ੍ਹਾਂ ਨੂੰ ਚੰਗੀ ਤਰ੍ਹਾਂ ਸੁਕਾਓਦੇ ਨਹੀਂ ਹੋ ਤਾਂ ਕੀਟਾਣੂ ਅਤੇ ਬੈਕਟੀਰੀਆ ਤੇਜ਼ੀ ਨਾਲ ਵਧ ਸਕਦੇ ਹਨ। ਦਰਅਸਲ, ਮੀਂਹ ਵਿੱਚ ਕੱਪੜਿਆਂ 'ਤੇ ਜ਼ਿਆਦਾ ਗੰਦਗੀ ਅਤੇ ਕੀਟਾਣੂ ਇਕੱਠੇ ਹੋ ਜਾਂਦੇ ਹਨ ਅਤੇ ਇਨ੍ਹਾਂ ਕੱਪੜਿਆਂ ਨੂੰ ਪਹਿਨਣ ਨਾਲ ਤੁਸੀਂ ਬੀਮਾਰ ਹੋ ਸਕਦੇ ਹੋ। ਜਿਸ ਤਰ੍ਹਾਂ ਮੀਂਹ 'ਚ ਭਿੱਜਣ 'ਤੇ ਤੁਰੰਤ ਨਹਾਉਣਾ ਜ਼ਰੂਰੀ ਹੈ, ਉਸੇ ਤਰ੍ਹਾਂ ਕੱਪੜੇ ਧੋਣੇ ਵੀ ਜ਼ਰੂਰੀ ਹਨ। ਗਿੱਲੇ ਕੱਪੜਿਆਂ ਨੂੰ ਖੰਭੇ 'ਤੇ ਲਟਕਾਉਣਾ, ਲਾਂਡਰੀ ਬੈਗ ਜਾਂ ਬਾਲਟੀ 'ਚ ਛੱਡਣਾ ਠੀਕ ਨਹੀਂ ਹੈ ਕਿਉਂਕਿ ਇਸ ਨਾਲ ਕੱਪੜਿਆਂ 'ਚੋਂ ਬਦਬੂ ਆਉਂਦੀ ਰਹਿੰਦੀ ਹੈ ਅਤੇ ਦੂਸਰਾ ਕੀਟਾਣੂਆਂ ਦੇ ਵਧਣ ਦੀ ਸੰਭਾਵਨਾ ਰਹਿੰਦੀ ਹੈ। ਇਸ ਲਈ ਇਨ੍ਹਾਂ ਸਮੱਸਿਆਵਾਂ ਤੋਂ ਬਚਣ ਲਈ ਗਿੱਲੇ ਕੱਪੜਿਆਂ ਨੂੰ ਤਰੁੰਤ ਧੋਵੋ।
ਮੀਂਹ 'ਚ ਗਿੱਲੇ ਹੋਣ ਤੋਂ ਬਾਅਦ ਕੱਪੜਿਆਂ ਦੀ ਇਸ ਤਰ੍ਹਾਂ ਕਰੋ ਦੇਖਭਾਲ:
ਕੱਪੜਿਆਂ ਨੂੰ ਚੰਗੀ ਤਰ੍ਹਾਂ ਸੁਕਾਓ: ਜੇਕਰ ਇੱਕੋ ਸਮੇਂ ਕੱਪੜਿਆਂ ਨੂੰ ਧੋਣਾ ਸੰਭਵ ਨਹੀਂ ਹੈ ਤਾਂ ਉਨ੍ਹਾਂ ਨੂੰ ਚੰਗੀ ਤਰ੍ਹਾਂ ਸੁਕਾ ਲਓ ਅਤੇ ਜੇਕਰ ਤੁਸੀਂ ਉਨ੍ਹਾਂ ਨੂੰ ਵਾਸ਼ਿੰਗ ਮਸ਼ੀਨ 'ਚ ਧੋ ਰਹੇ ਹੋ ਤਾਂ ਡਰਾਇਰ ਦੀ ਵਰਤੋਂ ਜ਼ਰੂਰ ਕਰੋ। ਕੱਪੜਿਆਂ ਨੂੰ ਚੰਗੀ ਤਰ੍ਹਾਂ ਸੁਕਾਓਣ ਤੋਂ ਬਾਅਦ ਹੀ ਅਲਮਾਰੀ ਵਿਚ ਰੱਖੋ।
ਸੁਗੰਧਿਤ ਡਿਟਰਜੈਂਟ ਦੀ ਵਰਤੋਂ ਕਰੋ: ਮੀਂਹ ਦੇ ਮੌਸਮ ਕਾਰਨ ਕੱਪੜੇ ਗਿੱਲੇ ਹੋਣ ਤੋਂ ਬਾਅਦ ਬਦਬੂਦਾਰ ਹੋ ਜਾਂਦੇ ਹਨ। ਇਸ ਲਈ ਕੱਪੜਿਆਂ ਦੀ ਇਸ ਬਦਬੂ ਨੂੰ ਦੂਰ ਕਰਨ ਲਈ ਖੁਸ਼ਬੂਦਾਰ ਡਿਟਰਜੈਂਟ ਦੀ ਵਰਤੋਂ ਕਰੋ।
- Pulses Benefits: ਜੇਕਰ ਤੁਹਾਨੂੰ ਦੁੱਧ ਅਤੇ ਦਹੀ ਨਹੀਂ ਪਸੰਦ, ਤਾਂ ਸਿਹਤਮੰਦ ਰਹਿਣ ਲਈ ਆਪਣੀ ਖੁਰਾਕ 'ਚ ਸ਼ਾਮਲ ਕਰੋ ਇਹ ਦਾਲਾਂ
- Health Tips: ਭੋਜਣ ਖਾਣ ਤੋਂ ਬਾਅਦ ਭੁੱਲ ਕੇ ਵੀ ਨਾ ਕਰੋ ਇਹ 3 ਕੰਮ, ਨਹੀਂ ਤਾਂ ਬਿਮਾਰੀਆਂ ਦਾ ਹੋ ਜਾਓਗੇ ਸ਼ਿਕਾਰ
- Health Tips: ਤੁਸੀਂ ਵੀ ਸਾਰਾ ਦਿਨ ਥਕਾਵਟ ਅਤੇ ਨੀਂਦ ਮਹਿਸੂਸ ਕਰਦੇ ਹੋ, ਕਿਤੇ ਤੁਸੀਂ ਇਸ ਬਿਮਾਰੀ ਦਾ ਤਾਂ ਨਹੀਂ ਹੋ ਸ਼ਿਕਾਰ, ਇਨ੍ਹਾਂ ਲੱਛਣਾ ਨੂੰ ਨਾ ਕਰੋ ਨਜ਼ਰਅੰਦਾਜ਼
ਵਾਸ਼ਿੰਗ ਮਸ਼ੀਨ ਦੇ ਅੰਦਰਲੇ ਹਿੱਸੇ ਨੂੰ ਸਾਫ਼ ਕਰੋ: ਸਮੇਂ-ਸਮੇਂ 'ਤੇ ਵਾਸ਼ਿੰਗ ਮਸ਼ੀਨ ਦੀ ਸਫ਼ਾਈ ਕਰਦੇ ਰਹਿਣਾ ਵੀ ਜ਼ਰੂਰੀ ਹੈ। ਇਸ ਨਾਲ ਕੱਪੜੇ ਸਾਫ਼ ਅਤੇ ਸੁਗੰਧਿਤ ਹੁੰਦੇ ਹਨ, ਖਾਸ ਕਰਕੇ ਮੀਂਹ ਦੇ ਮੌਸਮ ਵਿੱਚ। ਇਸ ਦੇ ਲਈ ਵਾਸ਼ਿੰਗ ਮਸ਼ੀਨ 'ਚ ਬੇਕਿੰਗ ਪਾਊਡਰ ਜਾਂ ਵਾਸ਼ਿੰਗ ਮਸ਼ੀਨ ਕਲੀਨਰ ਪਾਓ। ਇਸ ਤੋਂ ਬਾਅਦ ਮਸ਼ੀਨ ਨੂੰ ਸਾਧਾਰਨ ਵਾਸ਼ ਵਿੱਚ ਸੈੱਟ ਕਰੋ। ਇਸ ਨਾਲ ਵਾਸ਼ਿੰਗ ਮਸ਼ੀਨ ਚੰਗੀ ਤਰ੍ਹਾਂ ਸਾਫ਼ ਹੋ ਜਾਵੇਗੀ ਅਤੇ ਇਸਦੇ ਨਾਲ ਹੀ ਬਦਬੂ ਵੀ ਦੂਰ ਹੋ ਜਾਵੇਗੀ।
ਕਪੂਰ ਦੀਆਂ ਗੋਲੀਆਂ ਕੱਪੜਿਆਂ 'ਚ ਰੱਖੋ: ਮੀਂਹ ਦੇ ਮੌਸਮ 'ਚ ਗਿੱਲੇ ਕੱਪੜਿਆਂ ਤੋਂ ਆਉਣ ਵਾਲੀ ਬਦਬੂ ਨੂੰ ਦੂਰ ਕਰਨ ਲਈ ਅਲਮਾਰੀ 'ਚ ਕੱਪੜਿਆਂ ਦੇ ਵਿਚਕਾਰ ਕਪੂਰ ਦੀਆਂ ਕੁਝ ਗੋਲੀਆਂ ਰੱਖ ਦਿਓ। ਉਂਝ ਤੁਸੀਂ ਇਨ੍ਹਾਂ ਗੋਲੀਆਂ ਨੂੰ ਸ਼ੂ ਰੈਕ 'ਚ ਵੀ ਰੱਖ ਸਕਦੇ ਹੋ। ਇਸ ਨਾਲ ਬਦਬੂ ਨਹੀਂ ਆਵੇਗੀ।
